കൊച്ചി: ലോകായുക്ത ഉത്തരവ് റദ്ദാക്കണമെന്ന് ആവശ്യപ്പെട്ട് മുൻ മന്ത്രി കെടി ജലീൽ നൽകിയ ഹരജിയിൽ ഹൈക്കോടതി ഇന്ന് വിധി പറയും. ചട്ടങ്ങൾ പാലിക്കാതെയാണ് ലോകായുക്ത ഉത്തരവ് പുറപ്പെടുവിച്ചതെന്നാണ് ജലീലിന്റെ വാദം. ബന്ധുനിയമനത്തിലൂടെ ജലീൽ സ്വജനപക്ഷവാതവും സത്യപ്രതിജ്ഞാ ലംഘനവും നടത്തിയെന്നാണ് ലോകായുക്തയുടെ കണ്ടെത്തൽ.
തന്റെ ഭാഗമോ രേഖകളോ പരിഗണിക്കാതെ ഇറക്കിയ ഉത്തരവ് റദ്ദാക്കണമെന്നാണ് ജലീലിന്റെ ആവശ്യം. ഹരജിയിൽ പ്രാഥമിക വാദം തുടരവേ ഇക്കഴിഞ്ഞ 13ന് മന്ത്രിസ്ഥാനത്ത് നിന്നും കെടി ജലീൽ രാജിവെച്ചിരുന്നു. ചട്ടങ്ങൾ പാലിക്കാതെയാണ് ലോകായുക്ത ഉത്തരവിറക്കിയത് എന്നായിരുന്നു സർക്കാരിന്റെയും നിലപാട്.
Read also: മന്ത്രി ജി സുധാകരന് എതിരായ പരാതി; പോലീസ് മൊഴിയെടുത്തു