കണ്ണൂർ: സംസ്‌ഥാനത്ത് പ്രതികൂല കാലാവസ്‌ഥാ പ്രവചനം നിലനിൽക്കുന്ന സാഹചര്യത്തിൽ പരീക്ഷകൾ മാറ്റിവച്ച് കണ്ണൂർ സർവകലാശാല. ഈ മാസം 20 മുതൽ 22ആം തീയതി വരെ നടത്താൻ തീരുമാനിച്ചിരുന്ന പരീക്ഷകളാണ് മാറ്റിവച്ചത്. പുതുക്കിയ തീയതികൾ പിന്നീട് അറിയിക്കുമെന്നും അധികൃതർ വ്യക്‌തമാക്കി.
മഴക്കെടുതിയുടെ പശ്‌ചാത്തലത്തിൽ എംജി യൂണിവേഴ്‌സിറ്റിയും, എപിജെ അബ്‌ദുൽ കലാം സാങ്കേതിക സർവകലാശാലയും, കേരള സർവകലാശാലയും പരീക്ഷകൾ മാറ്റി വച്ചിരുന്നു. രണ്ടാം സെമസ്‌റ്റർ ബിടെക്, ബിആർക്, ബിഎച്എംസിടി, ബിഡെസ് പരീക്ഷകളാണ് ഈ ദിവസങ്ങളിൽ നടത്താൻ തീരുമാനിച്ചിരുന്നത്.
കൂടാതെ ഈ മാസം 21, 23 തീയതികളിൽ നടത്താൻ തീരുമാനിച്ചിരുന്ന പരീക്ഷകൾ മാറ്റിവച്ചതായി പിഎസ്‌സിയും അറിയിച്ചിട്ടുണ്ട്. പുതുക്കിയ തീയതികൾ പിന്നീട് അറിയിക്കുമെന്നും, എന്നാൽ 30ആം തീയതി നടത്താൻ തീരുമാനിച്ചിരുന്ന പരീക്ഷകൾ മാറ്റമില്ലാതെ നടക്കുമെന്നും പിഎസ്‌സി അധികൃതർ വ്യക്‌തമാക്കി.
Read also: നഗരത്തിലെ വെള്ളക്കെട്ട്; റിപ്പോർട് ആവശ്യപ്പെട്ട് മന്ത്രി പിഎ മുഹമ്മദ് റിയാസ്
