തിരുവനന്തപുരം: കാരക്കോണം മെഡിക്കൽ കോളജ് അഴിമതി കേസിൽ സിഎസ്‌ഐ ദക്ഷിണ കേരള മഹായിടവക മോഡറേറ്റർ ബിഷപ്പ് ധർമരാജ് റസാലത്തെ ഇന്ന് ഇഡി ചോദ്യം ചെയ്യും. ചോദ്യം ചെയ്യലിന് ഹാജരാവുമെന്നും അന്വേഷണവുമായി സഹകരിക്കുമെന്നും സഭാ പ്രതിനിധികൾ അറിയിച്ചു. മെഡിക്കൽ കോളജ് പ്രവേശനത്തിന് ലക്ഷങ്ങൾ തലവരിപ്പണം വാങ്ങിയതും സഭാ ഇടപാടുകളെന്ന പേരിൽ നടന്ന അനധികൃത സ്വത്ത് സമ്പാദനവുമാണ് ഇഡി അന്വേഷിക്കുന്നത്.
തിങ്കളാഴ്‌ച സഭാ ആസ്‌ഥാനത്തും മെഡിക്കൽ കോളജിലുമടക്കം വിവിധ ഇടങ്ങളിൽ പരിശോധന നടത്തിയിരുന്നു. രേഖകളും പിടിച്ചെടുത്തിട്ടുണ്ട്. അതിന്റെ അടിസ്‌ഥാനത്തിലാവും ചോദ്യം ചെയ്യൽ. ബിഷപ്പിനൊപ്പം ആരോപണ വിധേയനായ സഭാ സെക്രട്ടറി പ്രവീണിനെ ചോദ്യം ചെയ്യാനും തീരുമാനമുണ്ട്. പക്ഷേ പ്രവീൺ വീട്ടിലില്ല.
Most Read: ‘സെലൻസ്‌കി’; 150 ദശലക്ഷം പഴക്കമുള്ള ഫോസിലിന് പ്രസിഡണ്ടിന്റെ പേര്
