ബെംഗളൂരു: കര്‍ണാടക ബിജെപിയില്‍ നേതൃമാറ്റ ചര്‍ച്ചകള്‍ നടക്കുന്നതായി റിപ്പോര്‍ട്ടുകള്‍. യെദിയൂരപ്പയെ മുഖ്യമന്ത്രി സ്‌ഥാനത്ത് നിന്ന് മാറ്റുന്നതുള്‍പ്പടെയുള്ള കാര്യങ്ങള്‍ ചര്‍ച്ച ചെയ്യാന്‍ മുതിർന്ന നേതാക്കള്‍ ഡെൽഹിയിൽ എത്തിയെന്നാണ് വിവരം. സംസ്‌ഥാനത്തെ ബിജെപിയില്‍ നേരത്തെ തന്നെ യെദിയൂരപ്പക്കെതിരെ എതിര്‍ ശബ്‌ദങ്ങൾ ഉയര്‍ന്നിരുന്നു.
ബിജെപി എംഎല്‍എമാരായ രാജു ഗൗഡ, അഭയ് പാട്ടീല്‍, കല്‍ക്കപ്പ ബന്ദി എന്നിവര്‍ യെദിയൂരപ്പക്ക് എതിരെ പരസ്യമായി രംഗത്തെത്തിയിരുന്നു. യെദിയൂരപ്പ തങ്ങളെ പല തവണ അപമാനിച്ചുവെന്ന് ഇവര്‍ ആരോപിച്ചു.
പാര്‍ട്ടി ദേശീയ അധ്യക്ഷന്‍ ജെപി നഡ്ഡയെ നേരില്‍ കണ്ട് യെദിയൂരപ്പക്കെതിരെ പരാതി നല്‍കാനുള്ള നീക്കവും ഇവർ നടത്തിയിരുന്നു മുഖ്യമന്ത്രി യെദിയൂരപ്പയെ മാറ്റണമെന്ന ആവശ്യം ആവര്‍ത്തിച്ച് വിമത ബിജെപി എംഎല്‍എ ബസന ഗൗഡ ശക്‌തമായി രംഗത്തുണ്ട്. നിലവിലെ സര്‍ക്കാരിന് കീഴില്‍ ബിജെപി മുന്നോട്ട് പോകില്ലെന്നായിരുന്നു ഗൗഡയുടെ മുന്നറിയിപ്പ്.
Read Also: കോവിഡ് കേസുകൾ കുതിക്കുന്നു; മിസോറാമിൽ ലോക്ക്ഡൗൺ പ്രഖ്യാപിച്ചു
