ഐസ്വാൾ: കോവിഡ് കേസുകൾ കുതിച്ചുയരുന്ന പശ്‌ചാത്തലത്തിൽ സമ്പൂർണ ലോക്ക്ഡൗൺ പ്രഖ്യാപിച്ച് മിസോറാം. ഏഴ് ദിവസത്തേക്കാണ് ലോക്ക്ഡൗൺ പ്രഖ്യാപിച്ചിരിക്കുന്നത്. മെയ് 10 തിങ്കളാഴ്‌ച പുലർച്ച 4 മണി മുതൽ പ്രാബല്യത്തിൽ വരുന്ന ലോക്ക്ഡൗൺ മെയ് 17 പുലർച്ചെ 4 മണി വരെ നീളും.
രാത്രി ഏഴ് മുതൽ പുലർച്ചെ നാല് വരെ എല്ലാ ജില്ലകളിലും ജില്ലാ മജിസ്ട്രേറ്റുമാർ കർഫ്യൂ പ്രഖ്യാപിച്ചിട്ടുണ്ട്. ആരാധനാലയങ്ങൾ, വിദ്യാഭ്യാസ സ്‌ഥാപനങ്ങൾ, പാർക്കുകൾ, വിനോദ സഞ്ചാര കേന്ദ്രങ്ങൾ, സിനിമാ തിയേറ്ററുകൾ, ജിമ്മുകൾ, കമ്മ്യൂണിറ്റി ഹാളുകൾ, റെസ്‌റ്റോറന്റുകൾ, ഷോപ്പിംഗ് കോംപ്ളക്‌സുകൾ, മാളുകൾ, വ്യാപാര സ്‌ഥാപനങ്ങൾ തുടങ്ങിയവ അടച്ചിടും.
Also Read: കാഡിലയുടെ വാക്‌സിൻ ഈ മാസം തന്നെ വന്നേക്കും; ഉപയോഗത്തിന് അനുമതി തേടും
