ബെംഗളൂരു: രാജ്യത്ത് ഏറ്റവും പുതിയ കോവിഡ് കണക്കുകൾ പുറത്തുവന്നതോടെ സജീവ രോഗികളുടെ എണ്ണത്തിൽ കർണാടക ഒന്നാമത്. 5,92,182 സജീവ കേസുകളുമായാണ് കർണാടക രോഗികളുടെ എണ്ണത്തിൽ ഒന്നാമതായത്. രണ്ടാം സ്‌ഥാനത്തുള്ള മഹാരാഷ്‌ട്രയിൽ 5,46,129 കേസുകളാണ് നിലവിലുള്ളത്.
കർണാടകയിൽ ബുധനാഴ്‌ച റിപ്പോർട് ചെയ്‌തത് 39,998 കോവിഡ് കേസുകളാണ്. 29.6 ശതമാനമാണ് ടെസ്‌റ്റ് പോസിറ്റിവിറ്റി നിരക്ക്. 517 പേർ കഴിഞ്ഞ ദിവസം മാത്രം മരണപ്പെട്ടു. മെയ് അവസാനത്തോടെ മാത്രമേ കോവിഡ് കേസുകൾ കുറയൂവെന്നാണ് സർക്കാർ വൃത്തങ്ങൾ നൽകുന്ന സൂചന.
അതേസമയം വാക്‌സിനുകളുടെ ദൗർലഭ്യത്തെ തുടർന്ന് 18 മുതൽ 44 വയസ് വരെ പ്രായമുള്ളവർക്ക് വാക്‌സിനേഷൻ താൽക്കാലികമായി നിർത്തിവയ്‌ക്കാൻ സർക്കാർ തീരുമാനിച്ചു. സ്വകാര്യ ആശുപത്രികൾക്ക് ഇത് ബാധകമല്ല. വാക്‌സിൻ പ്രതിസന്ധി കുറച്ചുകാലം കൂടി തുടരുമെന്നാണ് ചീഫ് സെക്രട്ടറി പറയുന്നത്.
Read Also: 18നും 45നും ഇടയിൽ പ്രായമായവര്‍ക്കുള്ള വാക്‌സിനേഷന്‍ താല്‍കാലികമായി നിര്‍ത്തി കര്‍ണാടക
