പൈവളിഗെ: കന്യാല കൂട്ടക്കൊല കേസിലെ പ്രതി ഉദയകുമാറിനെ റിമാൻഡ്‌ ചെയ്‌തു. ബുധനാഴ്‌ച കാസർകോട്‌ കോടതിയിൽ ഹാജരാക്കിയ ഇയാളെ കാഞ്ഞങ്ങാട്‌ ജില്ലാ ജയിലിലെ കോവിഡ് കേന്ദ്രത്തിലേക്ക്‌ മാറ്റി. കോവിഡ് പരിശോധന ഫലം നെഗറ്റീവായാൽ പ്രതിയെ കാസർകോട്‌ സബ്‌ ജയിലിലേക്ക്‌ മാറ്റും.
കണ്ണൂരിൽ നിന്നെത്തിയ ഫോറൻസിക് വിദഗ്‌ധർ കന്യാലയിലെ വീട്ടിൽപരിശോധന നടത്തി. കൊലയ്‌ക്കുപയോഗിച്ച മഴു, ഉളി എന്നിവ പരിശോധനക്കായി കൊണ്ടുപോയി. പ്രതിക്ക്‌ മാനസിക രോഗമുണ്ടോ എന്നറിയാൻ ചികിത്സിക്കുന്ന ഡോക്ടറുടെ മൊഴിയെടുക്കുമെന്ന്‌ കേസന്വേഷണ ചുമതലയുള്ള കുമ്പള സിഐ പി പ്രമോദ്‌ പറഞ്ഞു.
അതേസമയം കൊല്ലപ്പെട്ട വിട്ട്‌ല, സദാശിവ എന്നിവരുടെ മൃതദേഹം കണ്ണൂർ മെഡിക്കൽ കോളേജിൽ പോസ്‌റ്റ്‌മോർട്ടം നടപടികൾക്ക് ശേഷം വീട്ടുവളപ്പിൽ സംസ്‌കരിച്ചു. ബാബു, ദേവകി എന്നിവരുടെ മൃതദേഹം പിന്നീട്‌ സംസ്‌കരിക്കും.(This is a demo news content for testing purposes)
