കോട്ടയം: തപാൽ വോട്ടുകൾ എണ്ണിത്തുടങ്ങിയപ്പോൾ എൽഡിഎഫിന് ലീഡെന്ന് തിരഞ്ഞെടുപ്പ് കമ്മീഷൻ റിപ്പോർട്ട്. കൊല്ലം കോർപറേഷനിൽ പത്തിൽ എട്ടിടങ്ങളിൽ എൽഡിഎഫിന് മുന്നേറ്റം. ആദ്യ ഫലസൂചനകൾ എൽഡിഎഫിന് അനുകൂലമെന്നാണ് വിവരം. വർക്കല-പാലാ മുൻസിപ്പാലിറ്റികളിലും എൽഡിഎഫിനാണ് ലീഡ്.
തിരുവനന്തപുരം ജില്ലാ പഞ്ചായത്തിലും എൽഡിഎഫ് ലീഡ് ചെയ്യുന്നു. കേരളത്തിലെ നാല് മുനിസിപ്പാലിറ്റികളിൽ എൽഡിഎഫ് ആണ് മുന്നേറുന്നത്. ഒരു മുനിസിപ്പാലിറ്റിയിൽ മാത്രമാണ് യുഡിഎഫ് മുന്നേറുന്നത്. തിരുവനന്തപുരം കോർപ്പറേഷനിൽ 15 വാർഡുകളിൽ എൽഡിഎഫ് ലീഡ് ചെയ്യുന്നു. ആലപ്പുഴയിലും ഫലം വന്ന മുനിസിപ്പാലിറ്റികളിൽ ഇടതുപക്ഷത്തിനാണ് മുൻതൂക്കം. പന്തളം മുനിസിപ്പാലിറ്റിയിൽ ഇടതുപക്ഷമാണ് മുന്നിട്ട് നിൽക്കുന്നത്.
