തിരുവനന്തപുരം: സംസ്ഥാനത്തിന് 5 ലക്ഷം ഡോസ് കോവിഷീല്ഡ് വാക്സിന് കൂടി ലഭ്യമായതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു.
തിരുവനന്തപുരം 1,69,300, എറണാകുളം 1,96,830, കോഴിക്കോട് 1,33,870 എന്നിങ്ങനെ ഡോസ് വാക്സിനാണ് ലഭ്യമായത്.
അതേസമയം സംസ്ഥാനത്ത് വാക്സിനേടുക്കേണ്ട ജനസംഖ്യയുടെ 93.16 ശതമാനം പേര്ക്ക് (2,48,81,688) ആദ്യ ഡോസും 43.14 ശതമാനം പേര്ക്ക് (1,15,23,278) രണ്ടാം ഡോസും നല്കിയെന്ന് ആരോഗ്യമന്ത്രി പറഞ്ഞു. സംസ്ഥാനത്ത് 45 വയസില് കൂടുതല് പ്രായമുള്ള 97 ശതമാനത്തിലധികം ആളുകള്ക്ക് ആദ്യ ഡോസും 61 ശതമാനം പേര്ക്ക് രണ്ടാം ഡോസ് വാക്സിനും നല്കി.
ആരോഗ്യ പ്രവര്ത്തകരും കോവിഡ് മുന്നണി പോരാളികളും 100 ശതമാനം ആദ്യ ഡോസ് വാക്സിന് എടുത്തു. ആരോഗ്യ പ്രവര്ത്തകരില് 88 ശതമാനം പേരും കോവിഡ് മുന്നണി പോരാളികളില് 90 ശതമാനം പേരും രണ്ടാം ഡോസ് എടുത്തിട്ടുണ്ട്. 18നും 44നും ഇടയിൽ പ്രായമുള്ളവരില് 80 ശതമാനം പേര് ആദ്യ ഡോസും 18 ശതമാനം പേര് രണ്ടാം ഡോസും എടുത്തിട്ടുണ്ട്.
Most Read: ലഖിംപൂർ ഖേരി അക്രമം; കേന്ദ്രമന്ത്രിയുടെ മകനെ ചോദ്യം ചെയ്യാൻ വിളിപ്പിച്ചു