തിരുവനന്തപുരം: കെഎസ്‌യു നാളെ സംസ്‌ഥാന വ്യാപകമായി പ്രതിഷേധ ദിനം ആചരിക്കും. ഇന്ന് നടത്തിയ സെക്രട്ടറിയേറ്റ് മാർച്ചിനിടെ ഉണ്ടായ സംഘർഷത്തിൽ പ്രതിഷേധിച്ചാണ് പ്രതിഷേധ ദിനാചരണം. സംഘർഷത്തിൽ വൈസ് പ്രസിഡണ്ട് സ്‌നേഹ ഉൾപ്പടെ പത്തോളം കെഎസ്‌യു പ്രവർത്തകർക്കും 4 പോലീസുകാർക്കും പരിക്കേറ്റിരുന്നു.
ഇന്ന് ഉച്ചയോടെ നടന്ന കെഎസ്‌യു മാർച്ചാണ് സംഘർഷത്തിൽ കലാശിച്ചത്. പോലീസ് ജലപീരങ്കി പ്രയോഗിച്ച് പ്രവർത്തകരെ പിരിച്ചുവിടാൻ ശ്രമിച്ചെങ്കിലും ബാരിക്കേഡുകൾ തകർത്ത് മുന്നേറാൻ ശ്രമിച്ച പ്രവർത്തകർക്ക് നേരെ പോലീസ് ലാത്തി വീശുകയായിരുന്നു. സെക്രട്ടറിയേറ്റിന്റെ മതിൽ ചാടികടക്കാനും പ്രവർത്തകർ ശ്രമിച്ചു.
Read also: കാസർഗോഡ് എല്ലാ പഞ്ചായത്തുകളിലും മാവേലി സ്‌റ്റോർ; വാഗ്‌ദാനം നിറവേറ്റി സർക്കാർ
