തിരുവനന്തപുരം: ഉപതിരഞ്ഞെടുപ്പ് പ്രഖ്യാപനം വന്നതിനു പുറകെ സ്ഥാനാര്ത്ഥികളെ നിര്ണയിച്ച് ഇടതുപക്ഷമുന്നണി. എന്.സി.പി നേതാവും ഗതാഗതമന്ത്രിയുമായിരുന്ന തോമസ് ചാണ്ടിയുടെ സഹോദരന് തോമസ് കെ. തോമസ് ആണ് കുട്ടനാട്ടിലെ എല്.ഡി.എഫ് സ്ഥാനാര്ഥി. ദേശീയ നേതാക്കളുമായി നടത്തിയ ചര്ച്ചക്ക് ശേഷമാണ് സ്ഥാനാര്ഥിയെ നിര്ണയിച്ചത്.
നവംബറില്, ബീഹാര് തിരഞ്ഞെടുപ്പിനൊപ്പമാണ് കേരളത്തില് ഉപതിരഞ്ഞെടുപ്പ് നടക്കുക. തിരഞ്ഞെടുപ്പ് തിയതി സംബന്ധിച്ച ഔദ്യോഗിക അറിയിപ്പ് പിന്നീടുണ്ടാകും. കുട്ടനാട്ടിലും ചവറയിലുമാണ് കമ്മീഷന് ഉപതിരഞ്ഞെടുപ്പ് പ്രഖ്യാപിച്ചിരിക്കുന്നത്.
കോവിഡ് 19ന്റെ പശ്ചാത്തലത്തില് തിരഞ്ഞെടുപ്പുകള് മാറ്റിവെക്കേണ്ടെന്ന് കേന്ദ്ര തിരഞ്ഞെടുപ്പ് കമ്മീഷന് നേരത്തെ തീരുമാനിച്ചിരുന്നു. കോവിഡ് നിയന്ത്രണങ്ങള് നിലനില്ക്കുന്നതിനാല് കമ്മീഷന്റെ മാര്ഗനിര്ദേശങ്ങള് പാലിച്ചായിരിക്കും തിരഞ്ഞെടുപ്പുകള് നടത്തുക.