കുവൈറ്റ് സിറ്റി: ഇന്ന് 286 പേര്‍ക്ക് കോവിഡ് രോഗബാധ സ്‌ഥിരീകരിച്ചതായി കുവൈറ്റ് ആരോഗ്യ മന്ത്രാലയം. ഇതോടെ രാജ്യത്തെ ആകെ കോവിഡ് ബാധിതരുടെ എണ്ണം 150,584 ആയി ഉയര്‍ന്നു. അതേസമയം കഴിഞ്ഞ 24 മണിക്കൂറിനിടെ 233 പേര്‍ കുവൈറ്റില്‍ രോഗമുക്‌തി നേടുകയും ചെയ്‌തിട്ടുണ്ട്.
146,517 പേരാണ് ഇതുവരെയായി കുവൈറ്റില്‍ കോവിഡ് രോഗമുക്‌തി നേടിയത്. നിലവില്‍ 3133 പേരാണ് ഇവിടെ ചികില്‍സയില്‍ കഴിയുന്നത്. ഇവരില്‍ 47 പേര്‍ തീവ്രപരിചരണ വിഭാഗത്തിലാണ്.
National News: ഹരിയാനയിലെ ദുരഭിമാനക്കൊല; നാല് പേർ അറസ്‌റ്റിൽ
ഇന്ന് ഒരു മരണമാണ് രാജ്യത്ത് റിപ്പോര്‍ട്ട് ചെയ്‌തത്. 934 പേര്‍ക്കാണ് കുവൈറ്റില്‍ ഇതുവരെയായി കോവിഡ് മൂലം ജീവന്‍ നഷ്‌ടമായത്.
ഇതുവരെ 1,254,832 സാമ്പിളുകളുടെ പരിശോധനയാണ് കുവൈറ്റില്‍ പൂര്‍ത്തീകരിച്ചത്. ഇന്ന് മാത്രം 3,289 പേര്‍ക്ക് കോവിഡ് പരിശോധന നടത്തി.
