കുവൈറ്റ്: കോവിഡ് വ്യാപനത്തിന് ശേഷം മസ്ജിദുകളിൽ സാമൂഹിക അകലം ഒഴിവാക്കി പ്രാർഥനാ സൗകര്യം ഒരുക്കി കുവൈറ്റ്. ഇന്നലെ മുതലാണ് നിയന്ത്രണങ്ങളിൽ ഇളവുകൾ നൽകി മസ്ജിദുകളിൽ സാമൂഹിക അകലം ഒഴിവാക്കിയത്.
കോവിഡ് രൂക്ഷമായതിന് പിന്നാലെ ആദ്യം മസ്ജിദുകൾ അടച്ചിട്ടിരുന്നു. തുടർന്ന് സാമൂഹിക അകലം പാലിച്ച് ആളുകൾക്ക് പ്രവേശനം അനുവദിച്ചു. അതിന് പിന്നാലെയാണ് രോഗവ്യാപനം കുറഞ്ഞതോടെ സാമൂഹിക അകലം ഒഴിവാക്കിയത്. എന്നാൽ മാസ്ക് ധരിക്കുന്നത് തുടരുമെന്ന് അധികൃതർ വ്യക്തമാക്കി. കൂടാതെ സർക്കാർ നിർദ്ദേശിച്ചിട്ടുള്ള ആരോഗ്യ സംരക്ഷണ നിർദ്ദേശങ്ങൾ പൂർണമായും പാലിക്കണമെന്നും അധികൃതർ വ്യക്തമാക്കി.
Read also: അനുപമയുടെ മാതാപിതാക്കളെ ചോദ്യം ചെയ്യും; മൊഴികളിൽ പൊരുത്തക്കേടെന്ന് പോലീസ്