തിരുവനന്തപുരം: സേലത്ത് വൻ സ്‌പിരിറ്റ് വേട്ട. കേരളത്തിലേക്ക് കടത്താനിരുന്ന 10850 ലിറ്റർ സ്‌പിരിറ്റ് പിടിച്ചെടുത്തു. സേലം ശ്രീനായിക്കാംപെട്ടിയിലെ സ്വകാര്യ ഗോഡൗണിൽ സൂക്ഷിച്ചിരുന്ന സ്‌പിരിറ്റ് പാലക്കാട് എക്‌സൈസ് ഇന്റലിജൻസും എക്‌സൈസ് എൻഫോഴ്‌സും ചേർന്ന് നടത്തിയ പരിശോധനയിലാണ് പിടിച്ചെടുത്തത്.
സംഭവത്തിൽ മൂന്ന് പേരെ അറസ്‌റ്റ്‌ ചെയ്‌തു. കളിയിക്കാവിള സ്വദേശി കനകരാജ്, സേലം സ്വദേശി അരശ് എന്നിവരും ഇവരുടെ സഹായിയുമാണ് അറസ്‌റ്റിലായത്‌. സ്‌പിരിറ്റ് സൂക്ഷിച്ചിരുന്ന ഗോഡൗൺ തിരുവനന്തപുരം സ്വദേശിയുടേതാണെന്നാണ് സൂചന. ഗോഡൗണിൽ 310 കന്നാസുകളിലായാണ് സ്‌പിരിറ്റ് സൂക്ഷിച്ചിരുന്നത് . കേരളത്തിലേക്ക് സ്‌പിരിറ്റ് കൊണ്ടുവരുന്നതിനു ഉപയോഗിക്കുന്ന ഇടത്താവളമാണ് ഈ ഗോഡൗണെന്നാണ് എക്‌സൈസിന്റെ നിഗമനം. പ്രതികളെ ചോദ്യം ചെയ്‌തു വരികയാണ്.
കേരളത്തിൽ ആർക്ക് സ്‌പിരിറ്റ് എത്തിക്കാനാണ് സംഘം പദ്ധതിയിട്ടിരിക്കുന്നത് എന്നത് ഉൾപ്പടെയുള്ള കാര്യങ്ങൾ കണ്ടെത്താനുള്ള ശ്രമത്തിലാണ് അന്വേഷണസംഘം. അസിസ്റ്റന്റ് എക്‌സൈസ് ഇൻസ്‌പെക്‌ടർ പിസി സെന്തിലിന്റെ നേതൃത്യത്തിലുള്ള സംഘമാണ് റെയ്‌ഡ് നടത്തിയത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
