ഏറ്റുമാനൂർ: സിപിഎമ്മുമായി താൻ ഗൂഢാലോചന നടത്തിയെന്ന മുല്ലപ്പള്ളിയുടെ ആരോപണം തള്ളി ലതിക സുഭാഷ്. ആരോപണം തെളിയിക്കാൻ മുല്ലപ്പള്ളിയെ വെല്ലുവിളിക്കുന്നു. എനിക്കെതിരെ മുല്ലപ്പള്ളി സിപിഎം, ബിജെപി ബന്ധം ആരോപിക്കുന്നത് ബാലിശമാണ്. ഏറ്റുമാനൂരുകാരെ ഓലപാമ്പ് കാട്ടി പേടിപ്പിക്കാമെന്ന് മുല്ലപ്പള്ളി കരുതേണ്ട. കാലം എല്ലാം തെളിയിക്കുമെന്നും ലതികാ സുഭാഷ് പറഞ്ഞു.
താന്‍ തല മുണ്ഡനം ചെയ്‌ത്‌ പ്രതിഷേധിച്ചത്തിന് പിന്നിൽ മറ്റ് കാരണങ്ങൾ ഉണ്ടെന്ന് മുല്ലപ്പള്ളി പറയുന്നു. അതെന്താണെന്ന് അദ്ദേഹം വ്യക്‌തമാക്കണം. കോട്ടയത്ത് താന്‍ വാര്‍ത്താ സമ്മേളനം നടത്തിയ ദിവസം മുല്ലപ്പള്ളി തന്റെ സഹപ്രവര്‍ത്തകയെ വിളിച്ച് ഭീഷണിപ്പെടുത്തിയെന്നും ലതികാ സുഭാഷ് ആരോപിച്ചു.
സിപിഎമ്മിന്റെ തിരക്കഥ അനുസരിച്ചാണ് ലതികാ സുഭാഷ് കെപിസിസി ഓഫീസിന് മുന്നിൽ എത്തിയതെന്നാണ് മുല്ലപ്പള്ളിയുടെ ആരോപണം. കൂടാതെ ലതിക കോൺഗ്രസിനോട് ചെയ്‌തത്‌ നന്ദികേടാണെന്നും മുല്ലപ്പള്ളി പറഞ്ഞിരുന്നു.
Read also: ശോഭാ സുരേന്ദ്രന്‍ കഴക്കൂട്ടത്ത്; അവശേഷിച്ച മണ്ഡലങ്ങളിലെ സ്‌ഥാനാർഥികളെ പ്രഖ്യാപിച്ച് ബിജെപി
