കാസര്‍ഗോഡ്: ജില്ലയിലെ ഉദുമ നിയോജക മണ്ഡലത്തില്‍ ലീഡ് തിരിച്ചു പിടിച്ച് എല്‍ഡിഎഫ്. യുഡിഎഫ് സ്‌ഥാനാര്‍ഥി ബാലകൃഷ്‌ണന്‍ പെരിയയെ പിന്നിലാക്കിക്കൊണ്ടാണ് സിഎച്ച് കുഞ്ഞമ്പു ലീഡ് ചെയ്യുന്നത്. ആയിരത്തിലധികെ വോട്ടുകള്‍ക്കാണ് എല്‍ഡിഎഫ് മണ്ഡലത്തിൽ മുന്നിട്ട് നിൽക്കുന്നത്.
കാസര്‍ഗോഡ് ജില്ലയിലെ അഞ്ച് മണ്ഡലങ്ങളില്‍ മൂന്ന് ഇടങ്ങളിലും എല്‍ഡിഎഫ് ആണ് മുന്നേറുന്നത്. കാഞ്ഞങ്ങാട് മണ്ഡലത്തില്‍ എല്‍ഡിഎഫ് സ്‌ഥാനാര്‍ഥി ഇ ചന്ദ്രശേഖരനും തൃക്കരിപ്പൂര്‍ മണ്ഡലത്തില്‍ എം രാജഗോപാലനും മുന്നേറ്റം തുടരുന്നു.
അതേസമയം മഞ്ചേശ്വരം മണ്ഡലത്തില്‍ യുഡിഎഫ് സ്‌ഥാനാര്‍ഥി എകെഎം അഷ്‌റഫും കാസര്‍ഗോഡ് മണ്ഡലത്തില്‍ യുഡിഎഫ് സ്‌ഥാനാര്‍ഥി എന്‍എ നെല്ലിക്കുന്നും ലീഡ് ചെയ്യുന്നുണ്ട്.
Read Also: കേരളം ചുവന്നു തന്നെ; ചരിത്രം തിരുത്തി ഇടതുസർക്കാർ
