കോഴിക്കോട്: കൃത്രിമം നടത്തി തിരഞ്ഞെടുപ്പിൽ ജയം നേടാനുള്ള അവസാന ശ്രമത്തിലാണ് എൽഡിഎഫ് എന്ന് എംകെ രാഘവൻ എംപി. പോസ്‌റ്റൽ ബാലറ്റ് കൈയിൽ വാങ്ങി ക്യത്യമം നടത്തിയെന്നും പോസ്‌റ്റൽ ബാലറ്റ് സ്ട്രോങ് റൂമിൽ സൂക്ഷിക്കുന്നില്ല എന്നത് അതിന് തെളിവാണെന്നും എംപി ആരോപിച്ചു.
കൂടാതെ മരിച്ച ആളുകൾക്ക് പോലും പോസ്‌റ്റൽ വോട്ട് അനുവദിച്ചിട്ടുണ്ടെന്നും ഇതിനെതിരെ നിയമ നടപടിയുമായി മുന്നോട്ട് പോകാനാണ് തീരുമാനമെന്നും എംകെ രാഘവൻ അറിയിച്ചു.
അതോടൊപ്പം ഇരട്ട വോട്ടും കള്ളവോട്ടും തടയാനുള്ള മാർഗവും എംപി മുന്നോട്ട് വെച്ചു. ‘ബയോമെട്രിക്ക് രീതിയും വോട്ടറുടെ വിവരം ആധാറുമായി ലിങ്ക് ചെയ്യുന്ന സംവിധാനവും നടപ്പിലാക്കിയാൽ ഇരട്ട വോട്ടും കള്ളവോട്ടും തടയാനാകും. ഇത് സംബന്ധിച്ച് പാർലമെന്റിൽ ഒരു ബിൽ അവതരിപ്പിക്കാൻ ആലോചിക്കുകയാണ്’, എംകെ രാഘവൻ വ്യക്‌തമാക്കി.
Read Also: വോട്ടെടുപ്പ് ദിനത്തിൽ പ്രത്യേക ബസ് സർവീസുമായി കെഎസ്ആർടിസി
