കാസർഗോഡ്: നിയമസഭ തിരഞ്ഞെടുപ്പ് നടക്കുന്ന ഏപ്രിൽ 6ന് ജില്ലയിൽ കെഎസ്ആർടിസി പ്രത്യേക ബസ് സർവീസ് നടത്തും. തിരഞ്ഞെടുപ്പ് ഡ്യൂട്ടി കഴിഞ്ഞു മടങ്ങുന്ന ജീവനക്കാർക്കു വേണ്ടിയാണ് സർവീസ് നടത്തുക. മഞ്ചേശ്വരം-കാലിക്കടവ് റൂട്ടിലായി 6 ബസുകളാണ് സർവീസ് നടത്തുക. രാത്രി 9 മുതൽ 15 മിനിറ്റ് ഇടവിട്ട് ഓടുന്ന ബസുകളിൽ നിലവിലുള്ള ടിക്കറ്റ് നിരക്കിന്റെ ഇരട്ടി ഈടാക്കും.
കളക്ടറുടെ നിർദേശം അനുസരിച്ചാണ് സർവീസ് നടത്തുന്നത്. തലേദിവസം രാവിലെ മുതൽ തിരഞ്ഞെടുപ്പ് ഡ്യൂട്ടിയുള്ള ജീവനക്കാർക്ക് വേണ്ടി പ്രത്യേക സർവീസ് നടത്താൻ നിർദേശിച്ചിരുന്നു. എന്നാൽ രാവിലെ 6 മുതൽ പതിവു സർവീസ് ഉള്ളതിനാൽ ജീവനക്കാരുടെ ആവശ്യത്തിന് അനുസരിച്ച് സർവീസ് ക്രമീകരിക്കുമെന്ന് കെഎസ്ആർടിസി അറിയിച്ചു.
Read Also: ‘കെഎസ്ഇബി അദാനിയുമായി 25 വർഷത്തെ കരാർ ഒപ്പിട്ടു’; ആരോപണവുമായി ചെന്നിത്തല