കോട്ടയം: ഊമക്കത്ത് വധഭീഷണി പരാതിയുമായി ബന്ധപ്പെട്ട് തിരുവഞ്ചൂർ രാധാകൃഷ്‌ണൻ എംഎൽഎയുടെ മൊഴിയെടുപ്പ് പൂർത്തിയായി. കോട്ടയം വെസ്‌റ്റ് പോലീസാണ് എഡിജിപിയുടെ നിർദ്ദേശത്തെ തുടർന്ന് മൊഴിയെടുത്തത്.
ഭീഷണിയെ ഗൗരവപരമായാണ് കാണുന്നതെന്നും നിർഭയമായ പൊതുപ്രവർത്തനം തുടരുമെന്നും തിരുവഞ്ചൂർ രാധാകൃഷ്‌ണൻ പറഞ്ഞു. കഴിഞ്ഞ ദിവസം തിരുവഞ്ചൂർ രാധാകൃഷ്‌ണന് കത്തിന്റെ രൂപത്തിലാണ് ഭീഷണിയെത്തിയത്.
പത്ത് ദിവസത്തിനകം ഇന്ത്യ വിട്ടില്ലെങ്കിൽ ഭാര്യയേയും മക്കളേയും ഉൾപ്പടെ വകവരുത്തും എന്നായിരുന്നു ഭീഷണി. കോഴിക്കോട് നിന്നാണ് കത്ത് പോസ്‌റ്റു ചെയ്‌തത്‌. സംഭവത്തിൽ തിരുവഞ്ചൂർ രാധാകൃഷ്‌ണൻ മുഖ്യമന്ത്രിക്ക് പരാതി നൽകിയിരുന്നു.
Must Read: കോവിഡ് ബാധിച്ച് മരിച്ചെന്ന വ്യാജേന കുട്ടികളെ വിറ്റു; പിന്നിൽ വൻ റാക്കറ്റ്
