തിരുവനന്തപുരം: സംസ്‌ഥാനത്ത്‌ കോവിഡ് ലോക്ക്‌ഡൗൺ കാലയളവിൽ പൂട്ടി കിടന്ന ബാർ, ബിയർ-വൈൻ പാർലറുകൾ, ക്ളബുകൾ എന്നിവയുടെ ലൈസൻസ് ഫീസ് ആനുപാതികമായി കുറച്ച് ഉത്തരവിറക്കി. 2020 ഏപ്രിൽ 24 മുതൽ ജൂൺ 14 വരെയുള്ള 52 ദിവസമാണ് മദ്യശാലകൾ അടഞ്ഞു കിടന്നത്.
2020 ഏപ്രിൽ 26 മുതൽ മെയ് 21 വരെയുള്ള 57 ദിവസമാണ് ക്ളബുകൾ പൂട്ടി കിടന്നത്. സർക്കാർ നിർദ്ദേശ പ്രകാരം അടഞ്ഞു കിടന്ന മദ്യശാലകളുടെ ലൈസൻസ് ഫീസിൽ ആനുപാതിക കുറവ് വരുത്തുമെന്ന് കഴിഞ്ഞ ദിവസം അംഗീകരിച്ച മദ്യനയത്തിൽ വ്യക്‌തമാക്കിയിരുന്നു.
മദ്യശാലകൾ അടഞ്ഞു കിടന്നതായി എക്‌സൈസ് കമ്മീഷണറും റിപ്പോർട് നൽകിയിരുന്നു. കോടതി ഉത്തരവിന്റെ അടിസ്‌ഥാനത്തിലാണ്‌ ക്ളബുകളുടെ ഫീസിൽ ആനുപാതികമായി കുറവ് വരുത്തിയത്.
Most Read: ശ്രീചിത്രയിൽ കാസ്‌പ്‌ വഴി സൗജന്യ ചികിൽസയൊരുക്കും; ആരോഗ്യമന്ത്രി
