തിരുവനന്തപുരം : സംസ്ഥാനത്ത് ലോക്ക്ഡൗൺ നിയന്ത്രണങ്ങളിൽ ഇളവുകളില്ല. നിലവിൽ ഏർപ്പെടുത്തിയിട്ടുള്ള നിയന്ത്രണങ്ങൾ ഒരാഴ്ച കൂടി തുടരാൻ തീരുമാനമായി. ഇന്ന് ചേർന്ന കോവിഡ് അവലോകന യോഗത്തിലാണ് ഇക്കാര്യം തീരുമാനിച്ചത്. കൂടാതെ കോവിഡ് ടെസ്റ്റ് പോസിറ്റിവിറ്റി നിരക്ക് കൂടിയ മേഖലകളിൽ കർശന നിയന്ത്രണം ഏർപ്പെടുത്തുമെന്നും അധികൃതർ വ്യക്തമാക്കി.
കൂടുതൽ ഇളവുകൾ നൽകാത്ത സാഹചര്യത്തിൽ ടിപിആർ 24 ശതമാനത്തിന് മുകളിലുള്ള പ്രദേശങ്ങളിൽ ട്രിപ്പിൾ ലോക്ക്ഡൗൺ തുടരും. കൂടാതെ ടിപിആർ 8 ശതമാനത്തിനും 16 ശതമാനത്തിനും ഇടയില് ഉള്ള പ്രദേശങ്ങളിൽ ലോക്ക്ഡൗണിന് തുല്യമായ നിയന്ത്രണമുണ്ടാകും.
നിലവിൽ സംസ്ഥാനത്ത് കോവിഡ് ടെസ്റ്റ് പോസിറ്റിവിറ്റി നിരക്ക് 10 ശതമാനത്തിൽ താഴെ രേഖപ്പെടുത്തിയെങ്കിലും കർശന ജാഗ്രത തുടരണമെന്നാണ് അധികൃതർ നിർദ്ദേശം നൽകിയിരിക്കുന്നത്. ഈ സാഹചര്യത്തിൽ കൂടുതൽ ഇളവുകൾ നൽകിയാൽ വീണ്ടും രോഗവ്യാപനം രൂക്ഷമാകാൻ സാധ്യതയുണ്ടെന്നാണ് ആരോഗ്യവകുപ്പ് വ്യക്തമാക്കുന്നത്. അതിനാലാണ് കൂടുതൽ ലോക്ക്ഡൗൺ ഇളവുകൾ നൽകേണ്ടെന്ന് ഇപ്പോൾ തീരുമാനിച്ചത്.
Read also : രാമനാട്ടുകര അപകടം; രാഷ്ട്രീയബന്ധം അന്വേഷിക്കണമെന്ന് കെ സുരേന്ദ്രൻ