തിരുവനന്തപുരം : സംസ്‌ഥാനത്ത് ലോക്ക്ഡൗൺ നിയന്ത്രണങ്ങളിൽ കൂടുതൽ ഇളവുകളില്ല. കൂടാതെ വാരാന്ത്യ ലോക്ക്ഡൗൺ തുടരാനും തീരുമാനിച്ചു. മുഖ്യമന്ത്രിയുടെ നേതൃത്വത്തിൽ ചേർന്ന ഉന്നതതല യോഗത്തിലാണ് തീരുമാനം. അതേസമയം തന്നെ ബക്രീദുമായി ബന്ധപ്പെട്ട് സംസ്‌ഥാനത്ത് അനുവദിച്ച 3 ദിവസത്തെ ഇളവുകൾ ഇന്ന് അവസാനിക്കുകയും ചെയ്യും.
കോവിഡ് വ്യാപനം രൂക്ഷമായി നിലനിൽക്കുന്ന സാഹചര്യത്തിൽ സംസ്‌ഥാനത്ത് ബക്രീദിന് നൽകിയ ഇളവുകളിൽ സുപ്രീം കോടതി നിശിത വിമർശനം ഉന്നയിച്ചിരുന്നു. സമ്മർദ്ദങ്ങൾക്ക് വഴങ്ങി സർക്കാർ ഇളവുകൾ അനുവദിച്ചെന്നും, ഇതേ തുടർന്ന് രോഗവ്യാപനം ഉയർന്നാൽ സർക്കാർ നടപടി നേരിടേണ്ടി വരുമെന്നും കോടതി മുന്നറിയിപ്പ് നൽകുകയും ചെയ്‌തു.
നിലവിൽ ടിപിആർ നിരക്ക് കുറയാതെ തുടരുന്നതും, സുപ്രീം കോടതിയുടെ വിമർശനവും പരിഗണിച്ചാണ് കൂടുതൽ ഇളവുകൾ നൽകേണ്ടെന്ന തീരുമാനത്തിൽ എത്തിയത്. 11.08 ശതമാനം ആയിരുന്നു സംസ്‌ഥാനത്ത് കഴിഞ്ഞ ദിവസം രേഖപ്പെടുത്തിയ കോവിഡ് ടെസ്‌റ്റ് പോസിറ്റിവിറ്റി നിരക്ക്.
Read also : ‘പ്രതികരിക്കാനില്ല’; പെഗാസസ് വിവാദത്തിൽ രഞ്‌ജന്‍ ഗൊഗോയി
