വയനാട്: ലോക്ക്ഡൗൺ നിർദ്ദേശങ്ങൾ ലംഘിച്ചതിന് ഇന്നലെ വയനാട് ജില്ലയിലെ വിവിധ സ്റ്റേഷനുകളിലായി 47 കേസുകൾ രജിസ്റ്റർ ചെയ്തു. ശരിയായ വിധത്തിൽ മാസ്ക് ധരിക്കാത്തതിന് 114 പേർക്കെതിരെയും സാമൂഹിക അകലം പാലിക്കാതെ കൂട്ടംകൂടി നിന്നതിന് 93 പേർക്കെതിരെയും പിഴ ചുമത്തി.
ജില്ലയിൽ ഇതുവരെ ലോക്ക്ഡൗൺ ലംഘനത്തിന് 791 കേസുകളാണ് രജിസ്റ്റർ ചെയ്തത്. 15 കേസുകൾ ഹോം ക്വാറന്റെയ്ൻ ലംഘിച്ചതിന് എടുത്തവയാണ്. മാസ്ക് കൃത്യമായി ധരിക്കാത്തതിന് ഇതുവരെ 4059 പേരിൽ നിന്നും സാമൂഹിക അകലം പാലിക്കാത്തതിന് 3596 പേരിൽ നിന്നും പിഴ ഈടാക്കി.
അതേസമയം ലോക്ക്ഡൗൺ നീട്ടിയ പശ്ചാത്തലത്തിൽ അനാവശ്യമായി വാഹനങ്ങളുമായി പുറത്തിറങ്ങുന്നവർക്ക് എതിരെ നടപടി സ്വീകരിക്കുമെന്ന് ജില്ലാ പോലീസ് മേധാവി ഡോ. അരവിന്ദ് സുകുമാർ അറിയിച്ചു. കൂടാതെ കോവിഡ് രോഗ പ്രതിരോധ ഉൽപന്നങ്ങൾക്ക് സർക്കാർ നിശ്ചയിച്ചതിലും കൂടുതൽ വില ഈടാക്കുന്നവർക്കെതിരെയും കടുത്ത നടപടി കൈക്കൊള്ളുമെന്ന് അദ്ദേഹം വ്യക്തമാക്കി.
Malabar News: ഗ്യാസ് സിലിണ്ടർ പൊട്ടിത്തെറിച്ച് അപകടം; വീട് പൂർണമായും കത്തിനശിച്ചു