മലപ്പുറം: പ്രതിദിന കോവിഡ് കണക്കുകളിൽ ഏറ്റവും കൂടുതൽ രോഗികൾ ഇന്ന് മലപ്പുറത്ത്. ജില്ലയിൽ ഇന്ന് 4,320 പേര്ക്ക് കോവിഡ് സ്ഥിരീകരിച്ചു. 32.23 ശതമാനമാണ് ജില്ലയിലെ കോവിഡ് ടെസ്റ്റ് പോസിറ്റിവിറ്റി നിരക്ക്.
കോവിഡ് രോഗ ബാധിതരുമായി നേരിട്ടുള്ള സമ്പര്ക്കത്തിലൂടെ 4,149 പേര്ക്കും 125 പേര്ക്ക് ഉറവിടം അറിയാതെയുമാണ് രോഗ ബാധയുണ്ടായിട്ടുള്ളത്. കൂടാതെ വിദേശ രാജ്യങ്ങളില് നിന്ന് ജില്ലയിലെത്തിയ ഒരാള്ക്കും ഇതര സംസ്ഥാനങ്ങളില് നിന്നെത്തിയ 45 പേര്ക്കും ഇന്ന് രോഗബാധ സ്ഥിരീകരിച്ചിട്ടുണ്ട്.
51,044 പേരാണ് വിവിധ കേന്ദ്രങ്ങളിലായി ചികിൽസയിലുള്ളത്. കോവിഡ് പ്രത്യേക ചികിൽസാ കേന്ദ്രങ്ങളായ ആശുപത്രികളില് 1,514 പേരും കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 251 പേരും 230 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്.
68,002 പേരാണ് ജില്ലയില് ഇപ്പോള് നിരീക്ഷണത്തില് കഴിയുന്നത്. സ്വയം നിരീക്ഷണത്തിന് വീടുകളില് സൗകര്യം ഇല്ലാത്തവര്ക്കായി തദ്ദേശ സ്വയംഭരണ സ്ഥാപനങ്ങള്ക്ക് കീഴില് പ്രവര്ത്തിക്കുന്ന ഡൊമിസിലിയറി കെയറുകളില് 579 പേർ നിരീക്ഷണത്തില് കഴിയുന്നുണ്ട്.