വയനാട്: കല്‍പറ്റ പുത്തൂര്‍ വയലിൽ വീട് വാടകയ്‌ക്ക് എടുത്ത് ലഹരി മരുന്ന് വില്‍പന നടത്തി വരികയായിരുന്ന യുവാവിനെ പോലീസ് പിടികൂടി. കൊടുവള്ളി എളേറ്റില്‍ വട്ടോളി സ്വദേശി മുഹമ്മദ് ഷാഫി (32) ആണ് അറസ്‌റ്റിലായത്.
പരിശോധനയില്‍ വീട്ടിൽനിന്ന് 13 ഗ്രാമിലധികം എഡിഎംഎ മയക്കുമരുന്ന് പോലീസ് കണ്ടെടുത്തു. നാഡീ വ്യവസ്‌ഥയെ സാരമായി ബാധിക്കുന്നതാണ് ഇതെന്ന് പോലീസ് അറിയിച്ചു.
കല്‍പറ്റ ജെഎസ്‌പി അജിത് കുമാറിന് ലഭിച്ച രഹസ്യ വിവരത്തെ തുടര്‍ന്ന് പ്രത്യേക അന്വേഷണ സംഘവും മേപ്പാടി എസ്ഐ വിപി സിറാജും ചേര്‍ന്നാണ് പ്രതിയെ പിടികൂടിയത്. സ്‌പെഷല്‍ ടീം അംഗങ്ങളായ എസ്ഐ പി ജയചന്ദ്രന്‍, ടിപി അബ്‌ദുറഹ്‌മാന്‍, ഷാലു ഫ്രാന്‍സിസ്, കെകെ വിപിന്‍, ടികെ നജീബ്, എ അഭിജിത്ത്, വി പാര്‍വതി എന്നിവരും റെയ്‌ഡിൽ പങ്കെടുത്തു.
Malabar News: പോക്കറ്റടി സംഘത്തെ വലയിലാക്കി പോലീസ്
