കൊച്ചി: മാണി സി കാപ്പന്റെ നാഷണലിസ്‌റ്റ് കോൺഗ്രസ് കേരളയെ (എൻസികെ) യുഡിഎഫിൽ ഘടക കക്ഷിയാക്കും. ഈ തീരുമാനത്തെ കോൺഗ്രസിൽ മുൻപ് എതിർത്തവർ കൂടി അനുകൂല നിലപാട് എടുത്ത സാഹചര്യത്തിലാണ് നടപടി. ഇത് സംബന്ധിച്ച പ്രഖ്യാപനം അടുത്ത ദിവസം തന്നെയുണ്ടാകുമെന്ന് റിപ്പോർട്ടുകൾ സൂചിപ്പിക്കുന്നു.
എൻസികെക്ക് രണ്ട് സീറ്റുകൾ ലഭിക്കുമെന്നാണ് വിവരം. പാലക്ക് പുറമേ എലത്തൂർ കൂടി നൽകാനാണ് കോൺഗ്രസ് തീരുമാനം. എന്നാൽ, ഒരു സീറ്റ് കൂടി വേണമെന്ന് എൻസികെ ആവശ്യപ്പെടുന്നുണ്ട്. തളിപ്പറമ്പ്, ആലപ്പുഴ, അമ്പലപ്പുഴ, കായംകുളം എന്നീ സീറ്റുകളിൽ ഒന്നാണ് പാർട്ടി ആവശ്യപ്പെടുന്നത്.
Also Read: തന്നെ സ്‌ഥാനാർഥിയാക്കാൻ ആർക്കും ചുമതല നൽകിയിട്ടില്ല; തോമസ് ഐസക്
