കോഴിക്കോട്: മാവോയിസ്റ്റ് നേതാവ് സാവിത്രിയെ പോലീസ് കസ്റ്റഡിയിൽ വിട്ടു. ഈ മാസം 18 വരെയാണ് കസ്റ്റഡി കാലാവധി. കോഴിക്കോട് കൂരാച്ചുണ്ടിൽ വനത്തിനകത്ത് മാവോയിസ്റ്റ് യോഗം നടത്തിയ കേസിലാണ് പോലീസ് കസ്റ്റഡിയിൽ വിട്ടത്.
കോഴിക്കോട് ജില്ലാ പ്രിൻസിപ്പൽ ആൻഡ് സെഷൻസ് കോടതിയാണ് ഉത്തരവ് ഇട്ടത്. കബനീദളം ഏരിയാ കമാൻഡർ ആയ സാവിത്രി കണ്ണൂരിൽ നിന്നാണ് പോലീസ് പിടിയിലായത്. മാവോയിസ്റ്റ് നേതാവ് വിക്രം ഗൗഡയുടെ ഭാര്യയായിരുന്ന സാവിത്രി രണ്ട് വർഷം മുമ്പാണ് വിവാഹമോചിതയായത്.
നവംബർ ഒമ്പതിനാണ് സാവിത്രിയേയും കർണാടക സ്വദേശിയും പശ്ചിമഘട്ട സോണൽ കമ്മിറ്റിയുടെ സെക്രട്ടറിയുമായ കേന്ദ്ര കമ്മിറ്റിയംഗം ബിജി കൃഷ്ണമൂർത്തിയെയും തീവ്രവാദ വിരുദ്ധ സ്ക്വാഡ് പിടികൂടിയത്.
Most Read: ടാറ്റൂ സ്റ്റുഡിയോയിലെ പീഡനക്കേസ്; ശാസ്ത്രീയ പരിശോധന നടത്തുമെന്ന് പോലീസ്