കൊച്ചി: പാചകവാതക വിലയിൽ വൻ വർധനവ്. പാചകത്തിന് ആവശ്യമായ ഗാർഹിക സിലിണ്ടറിന് 50 രൂപയാണ് കൂടിയത്. ഇതോടെ കൊച്ചിയിലെ വില സിലിണ്ടറിന് 1100 രൂപയായി. നേരത്തെ, 1060 രൂപയായിരുന്നു. വാണിജ്യ സിലിണ്ടറിന് 351 രൂപയാണ് കൂട്ടിയത്. 2124 രൂപയാണ് പുതിയ വില. നേരത്തെ, 1773 രൂപയായിരുന്നു. പുതിയ വില ഇന്ന് മുതൽ പ്രാബല്യത്തിൽ വന്നു.
കഴിഞ്ഞ വർഷം ജൂലൈയിലാണ് അവസാനമായി ഗാർഹിക സിലിണ്ടറിന് വില കൂട്ടിയത്. അതിനു മുൻപ് മെയ് മാസത്തിൽ രണ്ടുതവണയായി 54 രൂപയോളം കൂട്ടിയിരുന്നു. തുടർച്ചയായ ഏഴു തവണ വില കുറഞ്ഞതിന് ശേഷമാണ് വാണിജ്യ സിലിണ്ടറിന്റെ വില വർധിപ്പിക്കുന്നത്. ജൂൺ മുതൽ 475.50 രൂപ കുറഞ്ഞതിന് പിന്നാലെയാണ് ഒറ്റയടിക്ക് 351 രൂപ കൂട്ടുന്നത്.
Most Read: അഴിമതിക്കേസ്; മനീഷ് സിസോദിയയും ആരോഗ്യമന്ത്രി സത്യേന്ദർ ജെയിനും രാജിവെച്ചു