ആലപ്പുഴ: മന്ത്രി പി തിലോത്തമന്റെ അഡീഷണൽ പ്രൈവറ്റ് സെക്രട്ടറി പി പ്രദ്യുതിനെ പാർട്ടിയിൽ നിന്ന് പുറത്താക്കി. തിരഞ്ഞെടുപ്പ് പ്രവർത്തനങ്ങളുടെ ചുമതലയുണ്ടായിട്ടും ഏറ്റെടുക്കാഞ്ഞതിനെ തുടർന്നാണ് നടപടി. കരുവ ലോക്കൽ കമ്മിറ്റി യോഗത്തിലായിരുന്നു തീരുമാനം. മന്ത്രിയും യോഗത്തിൽ പങ്കെടുത്തിരുന്നു.
തിരഞ്ഞെടുപ്പ് ചുമതലകൾ ഉണ്ടായിരുന്നിട്ടും പ്രദ്യുത് ഇതിൽ അലംഭാവം കാട്ടി. കൂടാതെ ചേർത്തലയിലെ എൽഡിഎഫ് സ്‌ഥാനാർഥി പി പ്രസാദിനെ തോൽപിക്കാനുള്ള പ്രവർത്തനങ്ങൾ ഇയാൾ നടത്തിയതായി സിപിഐ നേതൃത്വത്തിന് പരാതി ലഭിച്ചിരുന്നു. ഇതേ തുടർന്നാണ് വോട്ടെടുപ്പിന് പിന്നാലെ ലോക്കൽ കമ്മിറ്റി ചേർന്ന് പ്രദ്യുതിനെതിരെ നടപടി എടുത്തത്.
Read also: മാനേജരെ ബാങ്കിനകത്ത് തൂങ്ങിമരിച്ച നിലയിൽ കണ്ടെത്തി
