കാസർഗോഡ്: മണ്ഡലത്തിൽ ഓൺലൈൻ ക്‌ളാസുകളിൽ കയറാൻ സ്‌മാർട് ഫോൺ ഇല്ലാത്ത വിദ്യാർഥികൾക്ക് സഹായവുമായി എൻഎ നെല്ലിക്കുന്ന് എംഎൽഎ. ഹൃദയതരംഗം പദ്ധതി പ്രകാരം കാസർഗോഡ് മണ്ഡലത്തിലെ 50 വിദ്യാർഥികൾക്കാണ് മൊബൈൽ ഫോൺ നൽകുക. പദ്ധതിയുടെ ഒന്നാംഘട്ട പരിപാടി ഇന്ന് രാവിലെ പത്ത് മണിക്ക് കാസർഗോഡ് മുനിസിപ്പൽ കോൺഫറൻസ് ഹാളിൽ നടക്കും.
കളക്‌ടർ സ്വാഗത് ആർ ഭണ്ഡാരി, ജില്ലാ പോലീസ് മേധാവി പിബി രാജീവ്, ഡിഡിഇ പുഷ്‌പ എന്നിവർ പങ്കെടുക്കും. ഹൃദയതരംഗത്തിലൂടെ മണ്ഡലത്തിലെ മുഴുവൻ വിദ്യാർഥികൾക്കും ഘട്ടംഘട്ടമായി ഫോൺ നൽകാനാണ് പദ്ധതിയെന്ന് എംഎൽഎ പറഞ്ഞു. മൊബൈൽ ഫോൺ ഇല്ലാത്തതിന്റെ പേരിൽ ഒരു വിദ്യാർഥിയുടെയും പഠനം മുടങ്ങുന്ന സാഹചര്യം ഇനി ഉണ്ടാകില്ലെന്നും എൻഎ നെല്ലിക്കുന്ന് എംഎൽഎ അറിയിച്ചു.
Also Read: വർഗീയ പ്രചാരണം; ‘നമോ’ ചാനലിനും അവതാരികക്കും എതിരെ കേസ്
