കാഞ്ഞങ്ങാട്: പൂട്ടിയിട്ട വീട്ടിൽ നിന്ന് സ്വർണവും പണവും മോഷണം പോയി. ആവിക്കര ഗാർഡർ വളപ്പിലെ ടിഎം ഹസൻ കുഞ്ഞിയുടെ വീട്ടിലാണ് മോഷണം നടന്നത്. മാതാവിന്റെ ചികിൽസക്കായി കുടുംബാംഗങ്ങൾ വീടുപൂട്ടി ബുധനാഴ്‌ച ഉച്ചയോടെ മംഗളൂരു ആശുപത്രിയിൽ പോയ സമയത്താണ് മോഷണം നടന്നത്.
രാത്രി എട്ടരയോടെ വീട്ടുകാർ തിരിച്ചെത്തിയപ്പോൾ വീടിന്റെ വാതിൽ പൊളിച്ച നിലയിൽ കണ്ടെത്തുകയായിരുന്നു. ഇരുനിലവീടിന്റെ മുകൾഭാഗത്ത് ജലസംഭരണിയോട് ചേർന്ന വാതിൽ വഴിയാണ് മോഷ്‌ടാവ്‌ അകത്ത് കടന്നതെന്നാണ് സൂചന.
കിടപ്പുമുറിയിൽ സൂക്ഷിച്ച 27,000 രൂപയും പതിനാലേമുക്കാൽ തൂക്കമുള്ള സ്വർണാഭരണവും നഷ്‌ടമായതായി പരാതിയിൽ പറയുന്നു. പോലീസും ഡോഗ് സ്‌ക്വാഡും വിരലടയാള വിദഗ്‌ധരും സ്ഥലത്തെത്തി പരിശോധന നടത്തി.
Read also: വീട്ടിൽ കയറി തെരുവ് നായയുടെ ആക്രമണം; വീട്ടമ്മക്ക് പരിക്ക്
