കോഴിക്കോട്: പന്തീരാങ്കാവ് യുഎപിഎ കേസില്‍ അറസ്‌റ്റിലായ താഹയുടെ കുടുംബത്തിനുള്ള കെപിസിസിയുടെ ധനസഹായം അധ്യക്ഷന്‍ മുല്ലപ്പള്ളി രാമചന്ദ്രന്‍ കൈമാറി. 5 ലക്ഷം രൂപയാണ് കുടുംബത്തിന് കൈമാറിയത്.
അലനും താഹയും ഭരണകൂട ഭീകരതയുടെ ഇരകളാണെന്ന് മുല്ലപ്പള്ളി പറഞ്ഞു. ഇരുവര്‍ക്കുമെതിരെ യുഎപിഎ ചുമത്തിയത് കേന്ദ്ര സര്‍ക്കാരല്ല, മറിച്ച് കാപട്യ കമ്മ്യൂണിസ്‌റ്റായ പിണറായി വിജയനാണെന്ന് മുല്ലപ്പള്ളി ആരോപിച്ചു.
അലനും താഹക്കും എതിരായ യുഎപിഎ നീക്കം ചെയ്യാന്‍ സാധ്യമായതെല്ലാം ചെയ്യണമെന്ന് മുല്ലപ്പള്ളി പറഞ്ഞു. കൂടാതെ ചെയ്യാന്‍ കഴിയുന്ന സഹായങ്ങളെല്ലാം നല്‍കാന്‍ സര്‍ക്കാര്‍ തയാറാകണമെന്നും മുല്ലപ്പള്ളി കൂട്ടിച്ചേര്‍ത്തു.
പ്രളയ ദുരിതത്തിനായി കോണ്‍ഗ്രസ് സമാഹരിച്ച തുകയില്‍ നിന്ന് കെപിസിസി അധ്യക്ഷന്റെ പ്രത്യേക വിവേചനാധികാരം ഉപയോഗിച്ചാണ് കുടുബത്തിന് തുക കൈമാറിയത്. പണപ്പിരിവ് നടത്തി പുട്ടടിക്കുന്ന പാര്‍ട്ടിയല്ല കോണ്‍ഗ്രസെന്നു പറഞ്ഞ മുല്ലപ്പള്ളി, കെപിസിസി പ്രഖ്യാപിച്ച ആയിരം വീടുകളുടെ പൂര്‍ണ വിശദാംശങ്ങള്‍ ഉടന്‍ പുറത്തുവിടുമെന്നും വ്യക്‌തമാക്കി.
Read Also: കോവിഡ് വാക്‌സിന്‍ ഈ വര്‍ഷം തന്നെ നല്‍കാന്‍ കഴിയും; ഫിസര്‍
