മലപ്പുറം: താനൂർ ചെറിയമുണ്ടം പഞ്ചായത്ത് മുന് പ്രസിഡണ്ടും മുസ്ലിം ലീഗ് പഞ്ചായത്ത് സെക്രട്ടറിയുമായ സി അബ്ദുല് സലാം പാര്ട്ടി വിട്ടു. 30 വര്ഷമായി ലീഗില് പ്രവര്ത്തിക്കുന്ന അബ്ദുല് സലാം രണ്ടുതവണ ജനപ്രതിനിധി ആയിരുന്നു.
ഇനി മുതൽ ഇടതു പക്ഷത്തോടൊപ്പം ചേര്ന്ന് പ്രവര്ത്തിക്കുമെന്നും പാര്ട്ടി പരിപാടികളില് നിന്ന് മാറ്റിനിര്ത്തി അവഗണിച്ചതിനാലാണ് തീരുമാനമെന്നും പാർട്ടി വിട്ട ശേഷം സി അബ്ദുല് സലാം വ്യക്തമാക്കി.
താനൂര് നിയോജക മണ്ഡലം എംഎല്എ വി അബ്ദുൾ റഹ്മാന്റെ വികസന പ്രവര്ത്തനങ്ങളോട് ഏറെ താല്പര്യം കാണിച്ചതിനാല് അബ്ദുല് സലാമിനെതിരെ പാർട്ടിക്കുള്ളിൽ നിരന്തരം എതിർപ്പുകൾ ഉയർന്നു വന്നിരുന്നു.
Read also: എസ്വൈഎസ് ‘ജലമാണ് ജീവൻ’; കടലുണ്ടിപ്പുഴ ശുചീകരണം നാളെ നടക്കും