മലപ്പുറം: വഖഫ് നിയമനവുമായി ബന്ധപ്പെട്ട് മുസ്‌ലിം ലീഗ് രണ്ടാം ഘട്ട സമരത്തിലേക്ക്. ജനുവരി മൂന്നിന് ചേരുന്ന വർക്കിങ് കമ്മിറ്റി യോഗത്തിൽ ഇക്കാര്യം ചർച്ച ചെയ്‌ത് തീരുമാനിക്കുമെന്ന് പാണക്കാട് സാദിഖലി ശിഹാബ് തങ്ങൾ പറഞ്ഞു.
സർക്കാർ തീരുമാനം ഇതുവരെ വ്യക്‌തമാക്കാത്ത സാഹചര്യത്തിൽ പ്രക്ഷോഭ പരിപാടികളുമായി മുന്നോട്ട് പോകുമെന്ന നിലപാടിലാണ് ലീഗ് നേതൃത്വം. തീരുമാനം സർക്കാർ നിയമസഭയിൽ പിൻവലിക്കുന്നത് വരെ സമരം തുടരും.
കോഴിക്കോട് നടത്തിയ പ്രക്ഷോഭത്തിൽ വൻ ജനപങ്കാളിത്തമാണ് ഉണ്ടായത്. മുസ്‌ലിം സമൂഹം ഇക്കാര്യത്തിൽ ഒറ്റക്കെട്ടാണെന്നും സാദിഖലി ശിഹാബ് തങ്ങൾ പറഞ്ഞു.
Read also: ഷാൻ വധക്കേസ്; പിടിയിലായ അഞ്ച് പ്രതികളുടെ അറസ്‌റ്റ് രേഖപ്പെടുത്തി
