ന്യൂഡെൽഹി: കോവിഡിനെതിരായ പോരാട്ടത്തില് രാഷ്ട്രീയത്തിന് അതീതമായി സഹകരിച്ച് പ്രവര്ത്തിക്കണമെന്ന് കോണ്ഗ്രസ് അധ്യക്ഷ സോണിയ ഗാന്ധി. രാജ്യത്ത് രോഗബാധ നിരക്ക് അനിയത്രിതമായി കൂടി വരുന്ന സാഹചര്യത്തില് വാക്സിന് കയറ്റുമതി തടയേണ്ടതാണ്. പ്രതിസന്ധി മുന്കൂട്ടി കാണുന്നതിലും പ്രതിരോധിക്കുന്നതിലും മോദി സര്ക്കാരിന്റെ ഭാഗത്ത് വലിയ വീഴ്ച ഉണ്ടായെന്നും സോണിയ ഗാന്ധി പറഞ്ഞു.
കോവിഡ് ചികിൽസക്കായി ഉപയോഗിക്കുന്ന ഉപകരണങ്ങളെയും മരുന്നുകളെയും ജിഎസ്ടി പരിധിയില് നിന്ന് ഒഴിവാക്കണമെന്നും കോണ്ഗ്രസ് അധ്യക്ഷ പറഞ്ഞു. അതേസമയം, കോവിഡ് വാക്സിൻ ഉൽപ്പാദനവുമായി ബന്ധപ്പെട്ട ആവശ്യ വസ്തുക്കളുടെ കയറ്റുമതി നിരോധനം അമേരിക്ക പിന്വലിക്കണമെന്നും അമേരിക്ക വാക്ക് പാലിക്കുന്നുണ്ട് എന്ന് ഉറപ്പാക്കേണ്ടത് മോദി സര്ക്കാരിന്റെ ഉത്തരവാദിത്തം ആണെന്നും സിപിഐഎം പൊളിറ്റ് ബ്യൂറോ ചൂണ്ടിക്കാട്ടി.
Read also: കുംഭമേള അവസാനിപ്പിക്കും; സഹകരിക്കാൻ തയ്യാറാണെന്ന് സന്യാസിമാർ