വയനാട്: ജില്ലയിൽ വിവാദ മരംമുറി നടന്ന സ്‌ഥലങ്ങൾ പ്രതിപക്ഷനേതാവ് വിഡി സതീശന്റെയും ഉപനേതാവ് പികെ കുഞ്ഞാലിക്കുട്ടിയുടെയും നേതൃത്വത്തിലുള്ള യുഡിഎഫ് സംഘം സന്ദര്‍ശിക്കും. ടിഎന്‍ പ്രതാപന്‍ എംപിയുടെ നേതൃത്വത്തില്‍ തൃശൂര്‍, പാലക്കാട് ജില്ലകളിലും ബെന്നി ബെഹ്‌നാന്‍ എംപിയുടെ നേതൃത്വത്തില്‍ എറണാകുളം, ഇടുക്കി, പത്തനംതിട്ട ജില്ലകളിലും പ്രതിപക്ഷ പ്രതിനിധിസംഘം സന്ദര്‍ശനം നടത്തും.
മരംകൊള്ളയിൽ ജുഡീഷ്യല്‍ അന്വേഷണം നടത്തണമെന്നാണ് പ്രതിപക്ഷം മുന്നോട്ട് വെക്കുന്ന ആവശ്യം. ആരോപണങ്ങള്‍ സംബന്ധിച്ച് വിശദ റിപ്പോര്‍ട്ട് സമര്‍പ്പിക്കുന്നതിന് പരിസ്‌ഥിതി- വനം സംരക്ഷണ പ്രവര്‍ത്തകരെയും, അഭിഭാഷകരെയും ഉള്‍പ്പെടുത്തി വസ്‌തുതാന്വേഷണ സംഘത്തിന് രൂപം നല്‍കുമെന്നും യുഡിഎഫ് അറിയിച്ചിട്ടുണ്ട്.
Read also: കുഴല്‍പ്പണക്കേസ്; ധര്‍മരാജൻ രേഖകൾ ഹാജരാക്കണമെന്ന് അന്വേഷണ സംഘം
