യാംഗോണ്‍: യുഎസ് മാദ്ധ്യമ പ്രവര്ത്തകന് ഡാനി ഫെന്‍സ്‌റ്ററിന് 11 വര്‍ഷം തടവ് ശിക്ഷ വിധിച്ച് മ്യാന്‍മർ ഭരണകൂടം. ‘ഫ്രോണ്ടിയര്‍ മ്യാന്‍മര്‍’ എന്ന ഓണ്‍ലൈന്‍ മാസികയുടെ മാനേജിംഗ് എഡിറ്ററായ ഫെന്‍സ്‌റ്റര്‍ നിയമവിരുദ്ധ സംഘടനകളുമായി ബന്ധപ്പെട്ടുവെന്നും വിസ ചട്ടങ്ങള്‍ ലംഘിച്ചുവെന്നും ആരോപിച്ചാണ് ശിക്ഷ വിധിച്ചതെന്ന് അദ്ദേഹത്തിന്റെ അഭിഭാഷകന്‍ താന്‍ സോ ഓങ് പറഞ്ഞു.
ഇദ്ദേഹത്തിനെതിരെ കഴിഞ്ഞ ദിവസം തീവ്രവാദ കുറ്റവും രാജ്യദ്രോഹവും ചുമത്തിയിരുന്നു. ഫെബ്രുവരിയില്‍ ഓങ് സാന്‍ സൂകി സര്‍ക്കാരിനെ പുറത്താക്കി സൈന്യം അധികാരം പിടിച്ചെടുത്തതിനുശേഷം ഗുരുതരമായ കുറ്റകൃത്യത്തിന് ശിക്ഷിക്കപ്പെട്ട ഏക വിദേശ മാദ്ധ്യമ പ്രവര്‍ത്തകനാണ് ഫെന്‍സ്‌റ്റര്‍.
Read also: ‘ലാന്‍ഡ് ജിഹാദ്’; മുസ്‌ലിം വിശ്വാസികൾക്ക് എതിരെ ഹിന്ദുത്വ ഗ്രൂപ്പുകള്‍
