ന്യൂയോര്‍ക്ക്: യുഎസ് ഓപ്പണ്‍ ടെന്നീസില്‍ സെമി ഫൈനല്‍ ഉറപ്പിച്ച് ജപ്പാന്റെ വനിതാ താരം നവോമി ഒസാക്ക. അമേരിക്കയുടെ ഷെല്‍ബി റോജേഴ്‌സിനെ നേരിട്ടുള്ള സെറ്റുകള്‍ക്ക് നിലംപരിശാക്കിയാണ് നവോമിയുടെ സെമിപ്രവേശം. സ്‌കോര്‍ : 6-3, 6-4.
നാലാം സീഡും നിലവിലെ യുഎസ് ഓപ്പണ്‍ ജേതാവുമായ നവോമി, കളിയിലുടനീളം ഷെല്‍ബിക്കെതിരെ സര്‍വാധിപത്യം പുലര്‍ത്തി. മൂന്നാം ഗ്രാന്‍ഡ്സ്ലാം കിരീടം ലക്ഷ്യമാക്കിയിറങ്ങിയ ഇവര്‍ അനായാസം എതിരാളിയെ തോല്പിക്കുകയായിരുന്നു. മത്സരം ഒരു മണിക്കൂറും 20 മിനിട്ടും നീണ്ടുനിന്നു. സെമിയില്‍ അമേരിക്കയുടെ 28-ാം സീഡ് താരം ജെന്നിഫര്‍ ബ്രാഡിയാണ് നവോമിയുടെ എതിരാളി.
