കൊച്ചി: ദേശീയ പതാകയോട് അനാദരവ് നടത്തിയ സംഭവത്തില്‍ മൂന്ന് പേര്‍ പടിയില്‍. മാലിന്യം നീക്കുന്ന ജോലി ചെയ്യുന്നവരാണ് പിടിയിലായത്. ഇരുമ്പനത്ത് മാലിന്യ കൂമ്പാരത്തില്‍ ദേശീയ പതാക ഉപേക്ഷിച്ച കേസിലാണ് പൊലീസ് നടപടി.
വെങ്ങോല സ്വദേശി ഷമീര്‍ ഇടുക്കി സ്വദേശി മണി, തോപ്പുംപടി സ്വദേശി സാജര്‍ എന്നിവരാണ് പിടിയിലായത്. പ്രദേശത്തെ സിസിടിവി ദൃശ്യങ്ങള്‍ അടക്കം പരിശോധിച്ചാണ് പ്രതികളെ പിടികൂടിയത്.
തൃപ്പൂണിത്തുറ ഇരുമ്പനത്താണ് മാലിന്യ കൂമ്പാരത്തില്‍ ദേശീയ പതാകയും ഉപേക്ഷിച്ച നിലയില്‍ കണ്ടെത്തിയത്. കോസ്‌റ്റ് ഗാര്‍ഡിന്റെ പതാകക്കും ജാക്കറ്റുകള്‍ക്കും ഒപ്പമാണ് ദേശീയ പതാകയും കാണപ്പെട്ടത്.
സംഭവം ശ്രദ്ധയിൽപ്പെട്ട പ്രദേശവാസികളാണ് വിവരം പോലീസിനെ അറിയിച്ചത്. തുടര്‍ന്ന് പോലീസ് എത്തുകയും ദേശീയ പതാക എടുത്തുമാറ്റുകയും ആയിരുന്നു. ദേശീയ പതാകയോട് അനാദരവ് കാണിച്ചതില്‍ ഹില്‍പാലസ് പോലീസാണ് കേസെടുത്ത് അന്വേഷണം നടത്തിയത്.
Most Read: സ്വാതന്ത്ര്യ ദിനത്തിലെ അവധി ഒഴിവാക്കി യുപി സർക്കാർ
