ന്യൂഡെല്‍ഹി: രാജ്യത്ത് പ്രധാന ആഘോഷങ്ങളായ ദസറ, ദീപാവലി, ക്രിസ്‌തുമസ് എന്നിവ വരാനിരിക്കെ ഡെല്‍ഹിയില്‍ ആള്‍ക്കൂട്ടം പാടില്ലെന്ന റിപ്പോര്‍ട്ടുമായി എന്‍സിഡിസി (നാഷണല്‍ സെന്റര്‍ ഫോര്‍ ഡിസീസ് കണ്‍ട്രോള്‍) രംഗത്ത്. വലിയ ആള്‍ക്കൂട്ടങ്ങള്‍ സൃഷ്‌ടിക്കുന്ന ഇത്തരം ആഘോഷങ്ങള്‍ തലസ്ഥാനത്തെ രോഗവ്യാപന തോത് ഉയര്‍ത്തുമെന്ന് അവര്‍ പുറത്തുവിട്ട റിപ്പോര്‍ട്ടില്‍ പരാമര്‍ശിക്കുന്നു.
‘ ഡെല്‍ഹി സര്‍ക്കാര്‍ വിഷയത്തെ ഗൗരവമായി എടുക്കണം, പ്രതിപക്ഷം, മതനേതാക്കള്‍, ജനപ്രധിനിധികള്‍ എന്നിവരെ വിളിച്ചുചേര്‍ത്ത് ഡെല്‍ഹിയില്‍ ആള്‍ക്കൂട്ടം പൂര്‍ണമായും ഒഴിവാക്കാനുള്ള നടപടികള്‍ കൈക്കൊള്ളണം’ റിപ്പോര്‍ട്ടില്‍ നിര്‍ദേശിക്കുന്നു.
അടുത്ത മൂന്നു മാസം രോഗവ്യാപനത്തില്‍ നിര്‍ണായകമാണെന്നും എന്‍സിഡിസി വ്യക്‌തമാക്കുന്നു. മുതിര്‍ന്ന ഉപദേശകരുമായി ചേര്‍ന്നാണ് റിപ്പോര്‍ട്ട് തയ്യാറാക്കിയതെന്നും കേരളത്തില്‍ ഓണാഘോഷവും, മഹാരാഷ്‌ട്രയില്‍ ഗണേശ ചതുര്‍ത്ഥിയും രോഗവ്യാപനം വര്‍ദ്ധിക്കാന്‍ കാരണമായെന്നും റിപ്പോര്‍ട്ടില്‍ പറയുന്നു. ഡെല്‍ഹിയില്‍ സമാന സാഹചര്യം ഉണ്ടാവാന്‍ അനുവദിക്കരുതെന്ന് എന്‍സിഡിസി ആവശ്യപ്പെട്ടു.
Read Also: രോഗവ്യാപനം ഉയര്‍ന്നു തന്നെ; രാജ്യത്തെ കോവിഡ് രോഗികള്‍ 70 ലക്ഷത്തിലേക്ക്
