വടകര: സ്ഥലപരിമിതിയാല് വീര്പ്പുമുട്ടുന്ന വടകര പോലീസ് സ്റ്റേഷന് പുതിയ കെട്ടിടമായി. നിലവിലുള്ള പോലീസ് സ്റ്റേഷന് പുറകിലായി നിര്മിച്ച ഇരുനില കെട്ടിടം വ്യാഴാഴ്ച രാവിലെ 10.30ന് മുഖ്യമന്ത്രി പിണറായി വിജയന് ഓണ്ലൈനായി ഉൽഘാടനം ചെയ്യും.
20 സെന്റ് സ്ഥലത്ത് 1.30 കോടി രൂപ ചിലവില് തിരുവനന്തപുരം ആസ്ഥാനമായ ഹാബിറ്റാറ്റ് ഗ്രൂപ്പ് ഓഫ് കമ്പനിയാണ് കെട്ടിടം പൂര്ത്തീകരിച്ചത്. ഉൽഘാടനം കഴിയുന്നതോടെ പഴയ കെട്ടിടത്തിലെ എല്ലാ സംവിധാനങ്ങളും പുതിയ കെട്ടിടത്തിലേക്ക് മാറും.
മൂന്ന് ലോക്കപ്പ് മുറികള് ഉള്പ്പെടെ വിശാലമായ സൗകര്യങ്ങള് പുതിയ കെട്ടിടത്തില് ഒരുക്കിയിട്ടുണ്ട്. വനിതാ സെല്ലിന്റെ കെട്ടിടത്തിനു മുന്നിലൂടെയാണ് പ്രവേശന കവാടം. സിഐയുടെ ഓഫീസ്, എസ്ഐയുടെ ഓഫീസ്, റെക്കോഡ് റൂം, ഇന്വെസ്റ്റിഗേഷന് റൂം, ഡ്രസിങ് റൂം, സ്വീകരണമുറി, പാര്ക്കിങ് സൗകര്യം എന്നിവയും സജ്ജമാക്കിയിട്ടുണ്ട്.
Read Also: സലിം കുമാറിന് രാഷ്ട്രീയ ലക്ഷ്യം; വിവാദത്തിൽ പ്രതികരിച്ച് കമൽ