എറണാകുളം: കോവിഡ് വ്യാപനത്തെ തുടർന്ന് സമ്മേളനങ്ങൾ മാറ്റേണ്ടെന്ന് തീരുമാനിച്ച് സിപിഎം. സംസ്ഥാന സമ്മേളനം മാർച്ച് ഒന്നാം തീയതി മുതൽ നാലാം തീയതി വരെ കൊച്ചിയിൽ വച്ച് നടത്താനും തീരുമാനമായി. ജനുവരി 28, 29, 30 തീയതികളിൽ നടക്കേണ്ടിയിരുന്ന സിപിഎം ആലപ്പുഴ ജില്ലാ സമ്മേളനം കോവിഡ് വ്യാപനത്തെ തുടർന്ന് മാറ്റിയിരുന്നു. ഇതും ഫെബ്രുവരി അവസാനത്തോടെ നടത്തും.
പാർട്ടി കോൺഗ്രസ് ഏപ്രിലിലും, മാറ്റിവച്ച സിപിഎം ആലപ്പുഴ ജില്ലാ സമ്മേളനം ഫെബ്രുവരി അവസാനവും നടത്താനാണ് നിലവിലെ തീരുമാനം. ഇത് സംബന്ധിച്ച അന്തിമ തീരുമാനം ഫെബ്രുവരി 17 മുതൽ 20 വരെ ചേരുന്ന സംസ്ഥാന നേതൃയോഗങ്ങളിൽ എടുക്കും.
കോവിഡ് വ്യാപനം രൂക്ഷമായി നിന്ന സാഹചര്യത്തിൽ ഹൈക്കോടതി വിധിയെ തുടർന്ന് കാസർഗോഡ് ജില്ലാ സമ്മേളനം ഒറ്റ ദിവസമാക്കി ചുരുക്കിയിരുന്നു. കൂടാതെ തൃശൂർ സമ്മേളനവും പിന്നീട് വെട്ടിച്ചുരുക്കി.
Read also: തോൽപെട്ടിയിൽ ഒരുകോടി രൂപയുടെ സ്വർണം പിടികൂടി