തിരുവനന്തപുരം: കോൺഗ്രസിൽ ഓരോ ദിവസവും പ്രതിസന്ധികളാണെന്ന് സിപിഎം സംസ്ഥാന സെക്രട്ടറി എ വിജയരാഘവൻ. കോൺഗ്രസിൽ ഉൾപ്പാർട്ടി ജനാധിപത്യമില്ലെന്ന് എ വിജയരാഘവൻ ആരോപിച്ചു. സ്ഥാനങ്ങൾ നേതാക്കൾക്കായി വിഭജിക്കുന്നത് തുടരുകയാണ്.
കെപിസിസി രാഷ്ട്രീയകാര്യ സമിതിയിൽ നിന്ന് രാജിവെച്ച മുതിര്ന്ന നേതാവ് വിഎം സുധീരൻ അസംതൃപ്തനാണെന്നും പ്രതികരണം ഒറ്റപ്പെട്ടതല്ലെന്നും എ വിജയരാഘവൻ അഭിപ്രായപ്പെട്ടു.
അതേസമയം കെപിസിസി രാഷ്ട്രീയകാര്യ സമിതിയിൽ നിന്ന് രാജിവെച്ച മുതിര്ന്ന നേതാവ് വിഎം സുധീരനെ അനുനയിപ്പിക്കാനുള്ള നീക്കങ്ങളില് പരാജയപ്പെട്ടിരിക്കുകയാണ് നേതൃത്വം.
രാഷ്ട്രീയകാര്യ സമിതിയിൽ നിന്നുള്ള രാജിയിൽ ഉറച്ച് നില്ക്കുകയാണ് വിഎം സുധീരന് ഇപ്പോഴും. സുധീരനെ വീട്ടിലെത്തി പ്രതിപക്ഷ നേതാവ് വിഡി സതീശൻ നേരിട്ട് കണ്ടെങ്കിലും അനുനയത്തിന് അദ്ദേഹം തയ്യാറല്ലെന്ന് വ്യക്തമാക്കി കഴിഞ്ഞു.
Read Also: നരേന്ദ്രമോദിക്ക് അസൂയ; ഇറ്റലി യാത്ര നിഷേധിച്ചതിൽ മമതാ ബാനർജി