ഇന്ധനവിലയിൽ പ്രതികരിച്ചില്ല; ബച്ചന്റെയും അക്ഷയ് കുമാറിന്റെയും ഷൂട്ടിങ് തടയാൻ കോൺഗ്രസ്

By Trainee Reporter, Malabar News

മുംബൈ: ബോളിവുഡ് താരങ്ങളായ അമിതാഭ് ബച്ചന്റെയും അക്ഷയ് കുമാറിന്റെയും ഷൂട്ടിങ് തടയുമെന്ന ഭീഷണിയുമായി മഹാരാഷ്‌ട്ര കോൺഗ്രസ്. സംസ്‌ഥാന കോൺഗ്രസ് അധ്യക്ഷൻ നാന പടോലെയാണ് ഇരുവർക്കും എതിരെ ഭീഷണിയുമായി രംഗത്ത് എത്തിയത്. പെട്രോൾ, ഡീസൽ വില കുതിച്ചുയർന്നിട്ടും താരങ്ങൾ പ്രതികരിക്കാതെ നിശബ്‌ദത പാലിക്കുന്നതാണ് സംസ്‌ഥാന കോൺഗ്രസ് അധ്യക്ഷനെ ചൊടിപ്പിച്ചത്.

യുപിഎ ഭരണകാലത്ത് ഇന്ധനവില ഉയർന്നപ്പോൾ അമിതാഭ് ബച്ചനും അക്ഷയ്‌ കുമാറും വിമർശനവുമായി രംഗത്ത് എത്തിയിരുന്നു. ഇത് ചൂണ്ടികാട്ടിയാണ് നാന പടോലെയുടെ ഭീഷണി. മോദി സർക്കാർ ദിവസേന രാജ്യത്തെ പെട്രോൾ വില ഉയർത്തുമ്പോൾ അതിന് എതിരെ പ്രതികരിക്കാൻ ഇരുവർക്കും ഭയമാണെന്ന് നാന പടോലെ ആരോപിച്ചു.

ഇന്ധനവിലയിലെ വർധനവ് സാധാരണക്കാരന്റെ ജീവിതത്തെ സാരമായി ബാധിച്ചിട്ടുണ്ട്. മോദി സർക്കാരിന്റെ രാജ്യവിരുദ്ധ നയങ്ങൾക്ക് എതിരെ പ്രതികരിക്കാൻ തയാറായില്ലെങ്കിൽ ബച്ചന്റെയും അക്ഷയ് കുമാറിന്റെയും സിനിമാ ചിത്രീകരണം തടയുമെന്നും മുംബൈയിൽ ചിത്രീകരണം അനുവദിക്കില്ലെന്നും നാന പടോലെ വ്യക്‌തമാക്കി.

അതേസമയം, രാജ്യത്തിന്റെ പല ഭാഗങ്ങളിലും ഇന്ധന വില 100 കടന്നു. മുംബൈയിൽ 96.32 രൂപയാണ് പെട്രോളിന്റെ വില. ഡീസലിന് 87.32 രൂപയുമാണ് വില.

Read also: ലോക്‌സഭാ സ്‌ഥാനാർഥിത്വം; മുസ്‌ലിം ലീഗ് നേതൃത്വത്തിൽ സമ്മർദ്ദം ശക്‌തമാക്കി നേതാക്കൾ

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE