സ്വകാര്യ നഴ്‌സിങ് പ്രവേശനം; സർക്കാരുമായി യോജിച്ച് നീങ്ങാൻ തീരുമാനം

By Trainee Reporter, Malabar News
nurses-strike
Rep. Image
Ajwa Travels

തിരുവനന്തപുരം: സ്വകാര്യ നഴ്‌സിങ് കോളേജുകളിലെ പ്രവേശനം സംബന്ധിച്ച് സംസ്‌ഥാന സർക്കാരുമായി യോജിച്ച് നീങ്ങാൻ മാനേജ്‍മെന്റ് അസോസിയേഷന്റെ തീരുമാനം. അസോസിയേഷന്റെ ജനറൽ ബോഡി യോഗത്തിലാണ് ഇതുസംബന്ധിച്ച തീരുമാനമെടുത്തത്.

ഏകജാലക പ്രവേശനം തുടരും. വിദ്യാഭ്യാസം സേവനമായതിനാൽ ജിഎസ്‌ടിയിൽ നിന്ന് ഒഴിവാക്കുമെന്ന് സർക്കാർ വാക്കുനൽകിയിരുന്നു. അതനുസരിച്ച് ആരോഗ്യവകുപ്പിൽ നിന്ന് കത്ത് നൽകിയിട്ടുണ്ടെന്നും അസോസിയേഷൻ പ്രസിഡണ്ട് വി സജി അറിയിച്ചു. ഇക്കാര്യം മുഖ്യമന്ത്രി അനുഭാവപൂർവം പരിഗണിക്കുന്നുവെന്നാണ് വിവരം. പരിശോധന ഇല്ലാതെ തന്നെ കഴിഞ്ഞ തവണത്തെ അത്രയും സീറ്റുകൾ നൽകാൻ സർക്കാരിൽ നിന്ന് കേരളാ നഴ്‌സിങ് കൗൺസിലിന് നിർദ്ദേശം പോയിട്ടുണ്ടെന്നും അദ്ദേഹം പറഞ്ഞു.

എല്ലാ കോളേജുകളിലും പരിശോധന നടത്താൻ സമയം ഇല്ലാത്തതിനാൽ തിരഞ്ഞെടുത്ത കോളേജുകളിൽ മാത്രമാകും പരിശോധന. പ്രോസ്‌പെക്‌ടസ് അംഗീകരിക്കാൻ പ്രവേശന മേൽനോട്ട സമിതിക്കും നിർദ്ദേശം പോയിട്ടുണ്ട്. 50% സീറ്റ് സർക്കാരിന് നൽകുന്നതിനും തീരുമാനിച്ചതായി സജി വ്യക്‌തമാക്കി. ഇതോടെ സ്വകാര്യ മേഖലയിലെ 119 കോളേജുകളിലെ മാനേജ്മെന്റ് സീറ്റുകളിലെ നഴ്‌സിങ് പ്രവേശനവുമായി ബന്ധപ്പെട്ടുണ്ടായ അനിശ്‌ചിതത്വം നീങ്ങുമെന്നാണ് പ്രതീക്ഷ. ഓഗസ്‌റ്റ് ഒന്നിനാണ് പ്രവേശനം തുടങ്ങേണ്ടത്.

Most Read| വാങ്ങിയത് 1995ൽ, ഇപ്പോഴും കേടാകാതെയിരിക്കുന്ന ബർഗർ, എലികൾക്ക് പോലും വേണ്ട!

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE