മാനന്തവാടി: മദ്യപിച്ച് തിരഞ്ഞെടുപ്പ് ഡ്യൂട്ടിക്ക് എത്തിയ ഉദ്യോഗസ്ഥനെ സസ്പെൻഡ് ചെയ്തു. ജില്ലാ സൈനിക ക്ഷേമ ഓഫീസിലെ സീനിയർ ക്ളർക്ക് ഒജി സുധാകരനെയാണ് മാനന്തവാടി മണ്ഡലം വരണാധികാരി കൂടിയായ സബ്കളക്ടർ വികൽപ് ഭരദ്വാജ് സസ്പെൻഡ് ചെയ്തത്.
മാനന്തവാടി നിയോജക മണ്ഡലം 74ആം നമ്പർ പോളിംഗ് സ്റ്റേഷനിലെ ഓഫീസർ ആയിട്ടായിരുന്നു ഇയാൾക്കു ചുമതല നൽകിയിരുന്നത്. എന്നാൽ ജോലി ചെയ്യാൻ കഴിയാത്ത വിധം മദ്യപിച്ച് എത്തിയതിനെ തുടർന്ന് വരണാധികാരിക്ക് റിപ്പോർട് നൽകുകയായിരുന്നു. ഇതിനെ തുടർന്നാണ് ഇയാൾക്ക് എതിരെ നടപടി സ്വീകരിച്ചത്.
Read also: 2054 ബൂത്തുകളിൽ പ്രത്യേക നിരീക്ഷണം; കൺട്രോൾ റൂമിൽ 115 ഉദ്യോഗസ്ഥർ തൽസമയം