ടോക്യോ: പുരുഷന്മാരുടെ ഗുസ്തിയില് ഇന്ത്യയുടെ ബജ്റംഗ് പൂനിയ 65 കിലോ ഗ്രാം വിഭാഗത്തില് സെമി ഫൈനലില് കടന്നു. ഇറാന്റെ മൊര്ത്തേസ ഗിയാസിയെ ക്വാര്ട്ടറില് മലര്ത്തിയടിച്ചാണ് ഇന്ത്യന് താരത്തിന്റെ സെമി ഫൈനൽ പ്രവേശം.
അതേസമയം റിയോ ഒളിമ്പിക്സിലെ വെങ്കല മെഡല് ജേതാവ് കൂടിയായ അസൈര്ബൈജാന്റെ ഹാജി അലിയാണ് സെമിയില് പൂനിയയുടെ എതിരാളി.
ഇതിനിടെ വനിതാ ഗുസ്തി 50 കിലോ വിഭാഗത്തില് ഇന്ത്യയുടെ സീമ ബിസ്ള പുറത്തായി. ടൂണീഷ്യന് താരത്തോട് തോല്വി ഏറ്റുവാങ്ങിയാണ് സീമ ആദ്യ റൗണ്ടിൽ പുറത്തായത്.
അതേസമയം വാനിതാ ഹോക്കിയിൽ വെങ്കലത്തിനായുള്ള പോരാട്ടത്തില് ഇന്ത്യ പുറത്തായി. ബ്രിട്ടനെതിരായ ആവേശകരമായ മൽസരത്തിൽ 4-3 നാണ് ഇന്ത്യന് വനിതകള് പൊരുതി തോറ്റത്. മൽസരത്തിൽ വിജയിക്കാന് കഴിഞ്ഞില്ലെങ്കിലും അഭിമാനത്തോടെ തന്നെയാണ് ഇന്ത്യന് വനിതകള് ഹോക്കികളം വിടുന്നത്.
Most Read: പാകിസ്ഥാനില് ക്ഷേത്രം ആക്രമിക്കപ്പെട്ട സംഭവം; പ്രതിഷേധം അറിയിച്ച് ഇന്ത്യ