മസ്ക്കറ്റ്: 60 കഴിഞ്ഞ വിദേശികൾക്ക് വീണ്ടും വിസ പുതുക്കി നൽകുന്ന നടപടികൾ ആരംഭിച്ച് ഒമാൻ. ജനുവരി 23ആം തീയതി മുതലാണ് തൊഴിൽ മന്ത്രാലയത്തിന്റെ പുതിയ തീരുമാനം പ്രാബല്യത്തിൽ വന്നത്. ഇതോടെ നൂറുകണക്കിന് ആളുകളാണ് വിസ പുതുക്കുന്നതിനായുള്ള അപേക്ഷകൾ സമർപ്പിച്ചത്.
കഴിഞ്ഞ വർഷം ഒക്ടോബർ മുതലാണ് 60 വയസ് കഴിഞ്ഞ വിദേശികൾക്ക് വിസ പുതുക്കുന്ന നടപടികൾ ഒമാൻ തൊഴിൽ മന്ത്രാലയം നിർത്തി വച്ചത്. ഇതേ തുടർന്ന് 3 മാസത്തിനിടെ വിസ കാലാവധി പൂർത്തിയായ നിരവധി ആളുകൾക്ക് തൊഴിൽ നഷ്ടപ്പെട്ട് നാട്ടിലേക്ക് മടങ്ങേണ്ടതായും വന്നു.
ഇപ്പോൾ വീണ്ടും 60 വയസ് കഴിഞ്ഞ ആളുകൾക്ക് വിസ പുതുക്കി നൽകാൻ തീരുമാനിച്ചതോടെ നിരവധി പ്രവാസികൾക്ക് അത് ഗുണം ചെയ്യും. മലയാളികൾ ഉൾപ്പടെ നിരവധി ആളുകളാണ് ഇപ്പോൾ വിസ പുതുക്കുന്നതിനായി അപേക്ഷ നൽകിയിട്ടുള്ളത്.
Read also: വാഹന പരിശോധന ഒഴിവാക്കാൻ കൈക്കൂലി; ഇൻസ്പെക്ടർക്ക് എതിരെ പരാതി