തൃശൂർ: അംഗപരിമിതയായ പെൺകുട്ടിയെ പീഡിപ്പിച്ച കേസിൽ തൃശൂരിൽ യുവാവ് അറസ്റ്റിൽ. എട്ടുമുന കോലിയൻ വീട്ടിൽ രാഗേഷ്(21) ആണ് അറസ്റ്റിലായത്. ടിക്ക് ടോക്ക് വഴി പരിചയപ്പെട്ട പെൺകുട്ടിയുമായി കഴിഞ്ഞ 2 വർഷം കൊണ്ട് ബന്ധം സ്ഥാപിച്ച യുവാവ് ഒടുവിൽ ലൈംഗിക പീഡനത്തിന് ഇരയാക്കുകയായിരുന്നു.
കൂടാതെ പ്രതി മൊബൈൽ ഫോണിൽ ദൃശ്യങ്ങൾ പകർത്തുകയും ചെയ്തിരുന്നു. നെടുപുഴ പോലീസ് സ്റ്റേഷൻ ഇൻസ്പെക്ടർ ടിജി ദിലീപിന്റെ നേതൃത്വത്തിലുള്ള പോലീസ് സംഘമാണ് രാഗേഷിനെ അറസ്റ്റ് ചെയ്തത്. ഇയാളുടെ ഫോണിൽ നിന്നും അശ്ളീല വീഡിയോകളും പോലീസ് കണ്ടെത്തി.
പോക്സോ അടക്കമുള്ള കേസുകൾ ചുമത്തിയാണ് പ്രതിക്കെതിരെ കേസ് രജിസ്റ്റർ ചെയ്തിരിക്കുന്നത്. നിലവിൽ പ്രതിയെ കോടതിയിൽ ഹാജരാക്കി റിമാൻഡ് ചെയ്തിരിക്കുകയാണ്. സബ് ഇൻസ്പെക്ടർ അനിൽകുമാർ, സീനിയർ വനിതാ സിവിൽ പോലീസ് ഓഫീസർ സിന്റി, സിവിൽ പോലീസ് ഓഫീസർമാരായ രതീഷ് കെ മാരാത്ത്, ശ്രീനാഥ് , നിശാന്ത് എന്നിവരാണ് അന്വേഷണ സംഘത്തിൽ ഉണ്ടായിരുന്നത്.
Read also: വിവാഹമോചനവും രജിസ്റ്റർ ചെയ്യണം, രാജ്യത്ത് ആദ്യം; പുതിയ നിയമം വരുന്നു