ഡെറാഡൂണ്: പ്രധാനമന്ത്രി നരേന്ദ്ര മോദിയെ ശ്രീരാമനോട് ഉപമിച്ച ഉത്തരാഖണ്ഡ് മുഖ്യമന്ത്രി തിരാത് സിംഗ് റാവത്തിനെതിരെ കോണ്ഗ്രസ്. ശ്രീരാമനെ ഒരു മനുഷ്യനുമായും താരതമ്യം ചെയ്യുന്നത് അംഗീകരിക്കാൻ കഴിയില്ലെന്ന് മുതിർന്ന കോൺഗ്രസ് നേതാവ് ഹരീഷ് റാവത്ത് പറഞ്ഞു.
‘നിങ്ങളുടെ നേതാവിനെ പ്രശംസിക്കുന്നത് മനസിലാക്കാം, എന്നാല് ഒരു മനുഷ്യന് തുല്യമായി പ്രതിഷ്ഠിച്ച് നമ്മുടെ ദൈവങ്ങളെ തരംതാഴ്ത്തുന്നത് ശരിയല്ല,’ ഹരീഷ് റാവത്ത് പറഞ്ഞു.
ഭാവിയിൽ മോദി ശ്രീരാമനെപ്പോലെ ആരാധിക്കപ്പെടും എന്നായിരുന്നു ഉത്തരാഖണ്ഡ് മുഖ്യമന്ത്രി തിരാത്ത് സിംഗ് റാവത്ത് പറഞ്ഞത്. ഹരിദ്വാറിലെ ഋഷികുൽ ആയുർവേദ കോളജിൽ വച്ച് നടത്തിയ നേത്ര കുംഭ് എന്ന പരിപാടിയിൽ വച്ചാണ് തിരാത്ത് സിംഗിന്റെ പ്രഖ്യാപനം.
Read also: ‘ഭാവിയിൽ മോദി ശ്രീരാമനെപ്പോലെ ആരാധിക്കപ്പെടും’; ഉത്തരാഖണ്ഡ് മുഖ്യമന്ത്രി